Astrology : 'या' राशीचे लोक बँक बॅलन्स आणि बचतीच्या बाबतीत मागे असतात 

Astrology : ग्रहांच्या हालचाली आणि स्थितीचा राशींवर विशेष प्रभाव पडत असतो, असे ज्योतिषशास्त्रात असे सांगण्यात आले आहे. काही राशीचे लोक खूप खर्चीक म्हणजेच उधळपट्टी करणारे असतात तर काही कंजूष असतात.

Astrology

Astrology : ज्योतिषशास्त्रात असे सांगण्यात आले आहे की, ग्रहांच्या हालचाली आणि स्थितीचा राशींवर विशेष प्रभाव पडत असतो. हेच कारण आहे की प्रत्येक राशीच्या लोकांचे स्वतःचे वेगळे गुण आणि वैशिष्ट्ये असतात. काही राशीचे लोक खूप खर्चीक म्हणजेच उधळपट्टी करणारे असतात तर काही कंजूष असतात. काहींना स्वतःवर तर काहींना मित्रांवर पैसे उडवायला आवडतात. येथे आपण अशाच काही राशीच्या लोकांबद्दल सांगणार आहोत, जे मैत्रीवर खूप पैसा खर्च करतात. इच्छा असूनही ते पैसे वाचवू शकत नाहीत. त्यांनी कितीही पैसे कमवले तरी त्यांचा खर्च कधीच कमी होत नाही. जाणून घेऊया कोणत्या राशीचे आहेत हे लोक.

मेष - या राशीचे लोक स्वतःपेक्षा मित्रांवर जास्त पैसा खर्च करतात. ते नेहमी इतरांना मदत करण्यास तयार असतात. अनेकजण त्यांच्या या सवयीचा खूप फायदाही घेतात. त्यांचे हृदय कोमल असते. ते कोणावरही पटकन दया दाखवतात. त्यांना भावनिक करून कोणीही त्यांच्या शब्दात पकडू शकतो. 

कर्क - या राशीच्या लोकांचा स्वभाव खूप खर्चिक असतो. हे लोक सामाजिक कार्यात अग्रेसर असतात आणि समाजात आपला दर्जा वाढवण्यासाठी ते खूप खर्च करत असतात. त्यांना त्यांचे आयुष्य सन्मानाने जगायला आवडते. ज्यात त्यांना किंचितही कमतरता आवडत नाही. ते त्यांच्या मित्रांना खूप मदत करतात. कर्क राशीचे लोक त्यांच्या मित्रांवर खूप पैसे खर्च करतात. 

धनु  - या राशीचे लोक पैसे कमवण्यासाठी खूप मेहनत करतात. परंतु,ते पैसे वाचवू शकत नाहीत. प्रत्येक वेळी ते पैसे वाचवण्याचा विचार करतात, परंतु असे करण्यात ते क्वचितच यशस्वी होतात. मात्र, त्यांच्याकडे पैशांची कमतरता नसते. धून राशीचे लोक स्वतःसाठी पैसे बाजूला ठेवू शकत नाहीत.

मीन - या राशीच्या लोकांचा स्वभावही खूप खर्चिक असतो. त्यांचा खर्च नेहमीच त्यांच्या बजेटपेक्षा जास्त असतो. ते जितके कमावतात तितके ते स्वतःवर आणि त्यांच्या मित्रांवर खर्च करतात. त्यांची आर्थिक स्थिती चांगली असते. परंतु,  जास्त पैसे खर्च केल्यामुळे ते फार श्रीमंत होऊ शकत नाहीत. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. यासाठी संबंधित तज्ञाचा सल्ला घ्यावा)

महत्वाच्या बातम्या