Mangal Margi 2025 : अवघ्या काही दिवसांत मंगळ ग्रहाचा पॉवरफुल अटॅक; 'या' 3 राशींना सावधानतेचा इशारा, 24 तास राहा सतर्क

Mangal Margi 2025 : ज्योतिष शास्त्रानुसार, मंगळ ग्रहाला साहस आणि ऊर्जेचा कारक ग्रह मानला जातो. मंगळ ग्रह 80 दिवसांनंतर मार्गी होणार आहे. याचा शुभ-अशुभ परिणाम सर्व राशींवर होणार आहे.

Mangal Margi 2025

ज्योतिष शास्त्रात सांगितल्याप्रमाणे, मंगळ ग्रहाला ग्रहांचा सेनापती म्हटलं जातं. मंगळ ग्रहाच्या वक्री होण्याने त्याचा प्रभावकमी होतो. तर, मार्गी म्हणजेच सरळ चालीने मंगळ ग्रहाचा प्रभाव वाढतो.

मंगळ ग्रहाने 31 जानेवारी 2025 रोजी मिथुन राशीत प्रवेश केला होता. त्यानंतर, येत्या 24 फेब्रुवारी रोजी 7 वाजून 27 मिनिटांनी मंगळ ग्रह मिथुन राशीत मार्गी होणार आहे.

80 दिवसांनंतर मंगळ ग्रह आपल्या चालीत परिवर्तन करणार आहे. मंगळ ग्रहाच्या या बदलत्या चालीमुळे अनेकांना सावध राहण्याची गरज आहे. या राशी कोणत्या ते जाणून घेऊयात.

मेष राशीच्या लोकांना या काळात सावध राहण्याची गरज आहे. या काळात कोणतेही नवीन काम हाती घेऊ नका. तसेच, तुमच्या वाणीवर लक्ष द्या. तुमच्या बोलण्यामुळे कोणी दुखावणार नाही याची काळजी घ्या.

वृषभ राशीच्या लोकांसाठी मंगळ ग्रहाची सरळ चाल फार संकट ओढावू शकते. या काळात तुम्हाला आर्थिक तंगीचा सामना करावा लागेल. तसेच, नवीन नोकरीची संधीही मिळणं कठीण आहे.

या काळात कर्क राशीच्या लोकांनी फार सतर्क असणं गरजेचं आहे. जर तुम्ही नोकरीच्या शोधात असाल तर हा काळ तुमच्यासाठी योग्य नाही. विद्यार्थ्यांनी देखील अभ्यासाच्या बाबतीत सतर्क असणं गरजेचं आहे.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)