Raj Thackeray Devendra Fadnavis Meet: राजपुत्र अमित ठाकरे आमदार होणार?; भाजप अन् मनसेच्या मैत्रीचा नवीन अंक, 'शिवतीर्थ'वर काय घडलं?

Raj Thackeray Devendra Fadnavis Meet: देवेंद्र फडणवीस आणि राज ठाकरे यांच्यात जवळपास सव्वा तास चर्चा झाली. त्यामुळे राजकीय चर्चांना उधाण आले आहे.

Raj Thackeray Devendra Fadnavis Meet

मुख्यमंत्री देवेंद्र फडणवीस यांनी आज सकाळी (10 फेब्रुवारी) मनसेप्रमुख राज ठाकरे यांची भेट घेतली.

राज ठाकरेंचं निवासस्थान असलेल्या मुंबईतील शिवतीर्थ येथे देवेंद्र फडणवीस यांनी राज ठाकरेंची भेट घेतली.

देवेंद्र फडणवीस आणि राज ठाकरे यांच्यात जवळपास सव्वा तास चर्चा झाली. त्यामुळे राजकीय चर्चांना उधाण आले आहे.

देवेंद्र फडणवीस आणि राज ठाकरेंच्या भेटीत भाजपच्या कोट्यातून राज्यपालनियुक्त आमदाराची मनसेला ऑफर दिल्याची माहिती सूत्रांनी दिली आहे. त्यामुळे राजपुत्र अमित ठाकरे विधानपरिषदेचे आमदार होऊ शकतात.

भाजपच्या कोट्यातून राज्यपाल नियुक्त आमदार म्हणून अमित ठाकरेंना घेतलं जाण्याची शक्यता आहे.

आगामी स्थानिक स्वराज्य संस्थांच्या निवडणुकांमध्ये भाजप मनसेची साथ घेणार असल्याची माहिती आहे.

अमित ठाकरे यांनी विधानसभा निवडणूक माहीम विधानसभा मतदारसंघातून लढवली होती. माहीममध्ये त्यांना पराभव स्वीकारावा लागला होता.

माहीमची निवडणूक तिरंगी झाली होती. उद्धव ठाकरेंच्या शिवसेनेचे महेश सावंत यांनी सदा सरवणकर आणि अमित ठाकरे यांचा पराभव केला होता.