Skin Care Tips : फेस मास्क वापरताना 'या' गोष्टी लक्षात ठेवा; अन्यथा फायदा होण्याऐवजी होईल नुकसान

Skin Care Tips : जर तुम्ही ग्लोइंग आणि सुंदर त्वचेसाठी फेस मास्क लावण्याचा विचार करत असाल तर असे करण्यापूर्वी काही गोष्टी लक्षात ठेवा.

Skin Care Tips

Skin Care Tips : सुंदर आणि तजेलदार त्वचा मिळविण्यासाठी घरगुती उपायांपासून बाजारात अनेक पर्याय उपलब्ध आहेत. यापैकी एक म्हणजे फेस मास्क. चमकदार आणि स्वच्छ त्वचेसाठी चेहऱ्यावर अनेक प्रकारचे फेस मास्क चेहऱ्यावर लावले जातात. जर तुम्ही ग्लोइंग आणि सुंदर त्वचेसाठी फेस मास्क लावण्याचा विचार करत असाल तर असे करण्यापूर्वी काही गोष्टी लक्षात ठेवा. अन्यथा, फायद्याऐवजी, तुमच्या त्वचेचे नुकसान होऊ शकते.

कोणत्याही ऋतूत त्वचेची काळजी घेणे खूप गरजेचे असते. अशा परिस्थितीत मास्क तुमची त्वचा निरोगी ठेवण्यास मदत करतो. फेस मास्कचा पुरेपूर फायदा मिळवण्यासाठी आणि त्वचेला कोणत्याही प्रकारच्या दुष्परिणामांपासून वाचवण्यासाठी, फेस मास्क वापरताना काही गोष्टी लक्षात ठेवणे अत्यंत आवश्यक आहे.

त्वचेच्या प्रकाराची काळजी घ्या

जर तुम्ही बाजारातून फेस मास्क विकत घेत असाल तर त्यातील घटक काळजीपूर्वक वाचा. जर तुमच्या त्वचेला कोणत्याही घटकांची ऍलर्जी असेल तर त्यामुळे फायद्याऐवजी नुकसान होऊ शकते. याबरोबरच तुमच्या स्किन टोननुसार फेस मास्क निवडा. जसे की कोरडे, सामान्य किंवा तेलकट.

चेहरा आणि हात पूर्णपणे स्वच्छ करा

मेकअप करताना चेहऱ्यावर चुकूनही हात न धुता फेस मास्क लावू नका. फेस मास्क लावण्यापूर्वी, आपले हात आणि चेहरा पूर्णपणे धुवा. जेणेकरून कोणत्याही प्रकारचे जीवाणू जमा होणार नाही. 

पॅच टेस्ट करा

फेस मास्कचे कोणतेही दुष्परिणाम नसले तरी चेहऱ्यावर काहीही लावण्यापूर्वी एकदा पॅच टेस्ट करून घ्या. कारण जर तुमची त्वचा संवेदनशील असेल तर रॅशेस आणि जळजळ होण्याची समस्या होऊ शकते.

जास्त वेळ फेस मास्क लावू नका 

फेस मास्क जास्त वेळ लावू नका. अन्यथा फेस मास्क कोरडा झाल्यानंतर त्वचेवर कडक थर जमा होईल. यामुळे तुमच्या त्वचेवर स्ट्रेचिंग आणि रॅशेस होऊ शकतात. त्यामुळे पॅकवर दिलेल्या सूचनांनुसार फेस मास्क लावा.

त्वचा moisturize विसरू नका

फेस मास्क स्वच्छ केल्यानंतर, त्वचेला मॉइश्चरायझ करायला विसरू नका. बहुतेक लोकांना असे वाटते की फेस मास्क लावल्याने त्यांच्या त्वचेला ओलावा मिळतो. पण, यामुळे तुमची त्वचा कोरडी होऊ शकते. त्यामुळे मॉइश्चरायझरचा वापर नक्कीच करा.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. 

महत्त्वाच्या बातम्या :