Gold Rate Today : नवीन वर्षाच्या सुरुवातीला सोन्याच्या दराने गाठली उच्चांक पातळी; वाचा आजचे दर

Gold Rate Today : नवीन वर्ष 2023 ला सुरुवात झाली आहे. वर्षाच्या सुरूवातीलाच गॅस सिलेंडरच्या दरात वाढ झालेली आहे.

Gold Rate Today

नवीन वर्षाच्या सुरुवातीलाच चीनमधील कोरोना संसर्गाने दहशत निर्माण केली आहे. एकीकडे कोरोनाचं संकट तर दुसरीकडे जागतिक पातळीवरील डॉलरच्या संख्येत झालेली वाढ यामुळे सोन्या-चांदीच्या दरात सातत्याने वाढ पाहायला मिळतेय.

भारतात लग्नसराईचादेखील सीझन सुरु आहे. अशातच सोन्याची वाढती किंमत ग्राहकांना न परवडणारी आहे.

आज बुलियन्सच्या रिपोर्टनुसार पाहिल्यास, 24 कॅरेट सोन्याचा दर 55,880 रूपयांवर व्यवहार करत आहे.

तर, आज एक किलो चांदीचा दर 69,340 रूपयांवर व्यवहार करत आहे.

सोन्या-चांदीचे हे वाढलेले दर मुंबईसह, पुणे, नाशिक, नागपूर, आणि कोलकाता दिल्लीसह अन्य शहरांमध्येही कमी-जास्त प्रमाणात व्यवहार करत असतात.

सुवर्णनगरी जळगावमध्ये सोन्याच्या दरात गेल्या चोवीस तासांत 900 रुपयांची वाढ झाल्याने सोन्याचे दर हे जीएसटीसह 58,000 हजार रुपये इतक्या उच्चांकी पातळीवर जाऊन पोहोचले आहेत.

जागतिक बाजारातील मौल्यवान धातूंची किंमत पाहता स्पॉट गोल्ड 0302 GMT नुसार 0.5% वाढून $1,886.70 प्रति औंस झाले.

US सोने फ्युचर्स 0.8% कमी होऊन $1,796.55 वर होते. स्पॉट सिल्व्हर 0.8% कमी होऊन $23.46 वर, प्लॅटिनम 0.5% कमी होऊन $1,006.88 वर आणि पॅलेडियम 0.3% कमी होऊन $1,889.50 वर पोहोचले आहेत.

सोन्याच्या वाढलेल्या दरामुळे काही ग्राहकांनी वेट अॅन्ड वॉचची भूमिका घेतली आहे.

इंडियन बुलियन अॅंड ज्वेलर्स असोसिए शनच्या मते, तुम्ही 8955664433 या क्रमांकावर मिस कॉल देऊन किंमत तपासू शकता. तुम्ही ज्या नंबरवरून मेसेज कराल त्याच नंबरवर तुम्हाला मेसेज येईल.