Pune : पुण्यातील रेल्वे स्टेशन परिसरात अल्पवयीन मुलीवर सार्वजनिक शौचालयात अत्याचार; आरोपी फरार

पीडित मुलीच्या आईने याप्रकरणी तक्रार दिली आहे. पुणे स्टेशन जवळील जनसेवा शौचालयात हा प्रकार घडला

pune crime

Pune : पुण्यातील (Pune) बंडगार्डन पोलिस स्टेशनच्या हद्दीत बारा वर्षीय अल्पवयीन मुलीवर भरदिवसा सार्वजनिक शौचालयात बलात्कार झाल्याचा धक्कादायक प्रकार उघडकीस आला. शुक्रवारी (8 एप्रिल)  ही घटना घडली. बंडगार्डन पोलिस ठाण्यात या प्रकरणी गुन्हा दाखल करण्यात आला आहे. पीडित मुलीच्या आईने याप्रकरणी तक्रार दिली आहे. पुणे स्टेशन जवळील जनसेवा शौचालयात हा प्रकार घडला

पोलिसांनी दिलेल्या माहितीनुसार, पीडित मुलगी ही कुटुंबीयांसह पुणे स्टेशन परिसरातच राहण्यास असून साफसफाईची कामे करते. शुक्रवारी (8 एप्रिल) दुपारी ते सार्वजनिक शौचालयात गेले असता आरोपी ही तिच्यापाठोपाठ शौचालयात गेला. त्यानंतर आरोपीनं त्या मुलीवर अत्याचार केले. पीडित मुलीने हा सर्व प्रकार आईला सांगितला. पीडित मुलीच्या आईने पोलीस स्टेशन गाठून तक्रार दिली. पोलिसांनी या प्रकरणी मारवाडी नामक एका आरोपीवर गुन्हा दाखल केला आहे. 

 रूपाली चाकणकर यांनी या घटनेबाबत एक ट्वीट शेअर केले आहे.  

पुण्यातील बंडगार्डन पोलिस स्टेशनच्या हद्दीत बारा वर्षीय अल्पवयीन मुलीवर भरदिवसा सार्वजनिक शौचालयात बलात्कार झाल्याचा प्रकार उघडकीस आला आहे.1/2@maharashtra_hmo @PuneCityPolice @Maha_MahilaAyog

— Rupali Chakankar (@ChakankarSpeaks) April 9, 2022

तसेच चित्रा वाघ यांनी देखील या घटनेबाबत ट्वीट शेअर केले आहेत. त्यांनी ट्वीटमध्ये 'महाराष्ट्रात अराजक माजले आहे…', असं लिहिलं आहे. 

पुण्यात सार्वजनिक शौचालयात अल्पवयीन मुलीवर बलात्कार करून नराधम फरार झाला आहे…

महाराष्ट्रात अराजक माजले आहे…

सत्ताधाऱ्यांची सगळी शक्ती विरोधकांना नेस्तनाबूत करण्यासाठी खर्ची पडतीये..
त्यामुळे समाजकंटकांचे फावले आहे.

— Chitra Kishor Wagh (@ChitraKWagh) April 9, 2022

आरोपी हा पीडितेच्या कुटुंबीयांचा चांगला ओळखीचा आहे. तो दररोज पीडितेला आणि तिच्या कुटुंबाला भेटत होता. तर हा प्रकार झाल्यापासून तो बेपत्ता आहे. पोलिस त्याचा शोध घेत आहेत.

हे ही वाचा