Pune Crime News: वडगाव शेरी दोन गटात बाचाबाची अन् वाहनांची तोडफोड; चारचाकी, दुचाकीसह 10 ते 15 वाहनं फोडली, पुणेकर त्रस्त

Pune Crime News: वडगाव शेरीत मध्यरात्री अनेक वाहनांची तोडफोड केल्याची घटना समोर आली आहे. यामध्ये वाहनांचं मोठं नुकसान झालं आहे.

Pune Crime News

दोन गटात बाचाबाची सुरु झाली आणि त्यानंतर वाहनांची तोडफोड करण्यात आली असल्याची माहिती आहे. पुण्यात मागील काही दिवसांपासून वाहन तोडफोडीचे सत्र सुरू आहे.

या तोडफोडीत सर्वसामान्य पुणेकरांचे मात्र अतोनात नुकसान होत आहे. अशा तोडफोडीच्या घटना पुण्यात वारंवार घडत आहेत.

शुक्रवारी मध्यरात्री वडगाव शेरी परिसरात दहा ते बारा जणांच्या टोळक्याने पुन्हा वाहनांची तोडफोड करत नासधूस केली.

यामध्ये 5 चारचाकी, 5 दुचाकी, 2 ऑटो रिक्षांची तोडफोड करण्यात आली. तर रस्त्याच्या कडेला उभ्या केलेल्या अनेक दुचाकींची नासधूस करण्यात आली.

चंदन नगर पोलीस ठाण्यात याप्रकरणी गुन्हा दाखल करण्याची प्रक्रिया सुरू आहे. पोलिसांकडून आरोपीचा शोध सुरू आहे. मात्र, अशा घटना वारंवार घडत असल्याने पुणेकर त्रस्त झाले आहेत.