Girish Mahajan : नाशिकच्या भीषण अपघातातील मृतांचा आकडा 5 वर, 3 गंभीर; मंत्री गिरीश महाजनांकडून मृतांच्या कुटुंबीयांना पाच लाखांची मदत
Nashik Accident: नाशिकच्या द्वारका उड्डाणपुलावर झालेल्या भीषण अपघातात मृत पावलेल्या पाच जणांच्या कुटुंबीयांना प्रत्येकी पाच लाख रुपयांची शासकीय मदत देण्याची घोषणा मंत्री गिरीश महाजन यांनी केली आहे.
नाशिक : नाशिकच्या द्वारका उड्डाणपुलावर रविवारी रात्री भीषण अपघाताची घटना घडली. यात पाच जणांचा मृत्यू झाला होता. तर 3 जण गंभीररित्या जखमी झाले आहेत. त्यांची प्रकृती गंभीर असल्याची माहिती पुढे आली आहे. मुंबई आग्रा महामार्गावरील द्वारका उड्डाणपुलावर रात्री आठ वाजता हा अपघात (Nashik Accident) घडला. अपघातामध्ये मृत झालेले आणि जखमी झालेले सर्वजण सिडकोच्या सह्याद्रीनगर परिसरातील रहिवाशी होते. हे सर्वजण हे सर्वजण निफाड तालुक्यातील धारणगाव येथे देवाचे कारण या कार्यक्रमासाठी गेले होते. हा कार्यक्रम आटोपून महिलांचा टेम्पो आणि पुरुषांचा टेम्पो पुन्हा नाशिकच्या दिशेने परतत होते. त्यावेळी हा अपघात घडला.
दरम्यान, या भीषण अपघातातील जखमींची विचारपूस करण्यासाठी मंत्री गिरीष महाजन यांनी कल्पतरू खाजगी रुग्णालयात भेट दिली आहे. तर मृतांच्या कुटुंबीयांना प्रत्येकी पाच लाख रुपयांची शासकीय मदत देणार असल्याची घोषणा ही मंत्री गिरीश महाजन यांच्याकडून करण्यात आली आहे. तर बऱ्याच अपघतामध्ये नियमांचे पालन होत नसतात. गाड्यांना टेललॅम्प, रेडियम इत्यादि अत्यावश्यक गोष्टीही नसतात. त्यामुळे या संदर्भात गंभीर दखल घेत कडक कारवाई केली जावी. अशी मागणीही मंत्री गिरीश महाजन यांनी केली आहे.
मंत्री गिरीश महाजन यांनी बोलवली पोलीस आणि आरटीओ विभागाची तातडीची बैठक
नाशिकच्या उड्डाण पुलावर रात्री झालेल्या अपघात प्रकरणी मंत्री गिरीश महाजन यांनी तातडीची बैठक बोलावली आहे. नाशिकचे पोलीस आयुक्त संदीप कर्णिक आणि आरटीओ विभागातील वरिष्ठ अधिकाऱ्यांसोबत ही तातडीची बैठक होणार आहे. अपघातात वाहतूक नियमांचे उल्लंघन झाल्याचं निष्पन्न झाले आहे. त्या अनुषंगाने ही बैठक घेत नियम अधिक कडक करत नियम मोडणाऱ्यांवर कडक कारवाईचे आदेश देण्याची शक्यता आहे. वाहतूक नियमांची कठोर अंमलबजावणी आणि कारवाई करण्यासंदर्भात गिरीश महाजन पोलीस आणि आरटीओ विभागातील अधिकाऱ्यांसोबत चर्चा करणार असल्याचेही बोलले जात आहे.
नाशिकच्या द्वारका पुलावर अपघात नेमका कसा घडला?
द्वारका उड्डाणपुलावर या मुलांना घेऊन जात असलेला टेम्पो एका ट्रकला जोरात धडकला. त्यामुळे ट्रकमधील लोखंडी सळ्या पिकअप ट्रकच्या काचा फोडून मागच्या भागात शिरल्या. या लोखंडी सळ्या थेट मागच्या भागात असलेल्या मुलांच्या अंगात शिरल्या. त्यामुळे त्यांच्या शरीरातून प्रचंड रक्तस्राव झाला. यामुळे पाच मुलांचा मृत्यू झाला. तर आणखी तिघांवर सध्या उपचार सुरू आहे.
नाशिकमधील अपघाताचं खरं कारण समोर
लोखंडी सळ्यांनी भरलेला आयशर ट्रक रात्रीच्या अंधारात द्वारका उड्डाणपुलावरुन जात होता. या ट्रकच्या मागच्या बाजूला लाल दिवा किंवा कापड वा तत्सम कुठलेही निशाण लावलेले नव्हते. त्यामुळे टेम्पोचालकाला ट्रकमधील लोखंडी सळ्या बाहेर आल्याचे दिसले नाही. त्यामुळे टेम्पो वेगाने जाऊन ट्रकच्या मागच्या बाजुला आदळला, असे प्रत्यक्षदर्शींनी सांगितले. जोरदार धडक झाल्याने ट्रकमधील लोखंडी सळ्या टेम्पोच्या काचा फोडून आतमध्ये घुसल्या. या लोखंडी सळ्या मागच्या बाजूला असणाऱ्या मुलांच्या शरीरात शिरल्या आणि अनेकांचा जागीच मृत्यू झाला. हे सर्वजण सिडको, अंबड भागातील कामगार असून एकमेकांचे नातेवाईक होते. या घटनेमुळे सिडको आणि अंबड परिसरात हळहळ व्यक्त केली जात आहे.
हे ही वाचा
महत्त्वाच्या बातम्या
ट्रेंडिंग न्यूज
