एक्स्प्लोर

Sushant Singh Rajput Death: सुशांत सिंह राजपूतला विष दिलं की गळा दाबला, चॅटिंगमध्ये काय सापडलं? सीबीआय रिपोर्टमधील 10 महत्त्वाच्या गोष्टी

sushant singh rajput death: अभिनेता सुशांत सिंह राजपूत याच्या मृत्यूनंतर प्रचंड खळबळ उडाली होती. त्याने ड्रग्जच्या नशेत स्वत:ला गळफास लावून घेतला होता.

By : जयदीप मेढे | Updated at : 23 Mar 2025 09:55 AM (IST)

sushant singh rajput death

1/12

अभिनेता सुशांत सिंह राजपूत प्रकरणी सीबीआयकडून कोर्टात क्लोजर रिपोर्ट दाखल करण्यात आला आहे. सुशांत सिंहचा मृत्यू ही आत्महत्याच असल्याचं सीबीआयच्या अहवालात नमूद करण्यात आलं आहे. या प्रकरणात जिच्यावर संशय होता त्या रिया चक्रवर्तीला (Rhea Chakraborty ) क्लीन चिट मिळाली आहे.

2/12

सुशांत सिंह राजपूत 14 जून 2020 रोजी वांद्रे येथील त्याच्या घरी मृतावस्थेत आढळला होता. सुशांत सिंगचे वडील के के सिंह यांनी रिया चक्रवर्ती विरोधात सुशांतला आत्महत्येस प्रवृत्त करण्याचा गुन्हा दाखल केला होता. सुशांत सिंग राजपूतच्या मृत्यू प्रकरणी कोणताही कट कारस्थान नसल्याचा दावा सीबीआयने केला असून रिया चक्रवर्ती आणि इतर आरोपींना क्लीन चिट दिली आहे.

3/12

सीबीआयला असा कोणताही पुरावा मिळालेला नाही की, ज्याआधारे सुशांत सिंह राजपूत याला आत्महत्या करण्यासाठी प्रवृत्त केले, हे सिद्ध होईल.

4/12

सीबीआयने सुशांत सिंह राजपूत याला आत्महत्येसाठी प्रवृत्त केल्याचा दावा फेटाळून लावला आहे.

5/12

एम्स रुग्णालयाच्या फॉरेन्सिक टीमने सुशांत सिंह राजपूत याचा गळा दाबण्यात आल्याचे किंवा त्याला विष देऊन मारल्याचा दावाही फेटाळून लावला आहे.

6/12

या प्रकरणी कोणताही गुन्हेगारी अँगल किंवा 'फाऊल प्ले' आढळला नाही. सुशांत सिंह राजपूतच्या मृत्यूचे कारण आत्महत्या असल्याचे सीबीआयच्या क्लोजर रिपोर्टमध्ये नमूद करण्यात आले आहे.

7/12

सीबीआयच्या क्लोजर रिपोर्टनंतर आता सुशांत सिंह राजपूतच्या कुटुंबीयांना न्याय मिळाला वाटत नसेल तर ते मुंबई उच्च न्यायालयात याचिका दाखल करु शकतात.

8/12

सुशांतच्या सोशल मीडियावरील चॅटिंगच्या संभाषणाचा तपशील MLATच्या माध्यमातून अमेरिकेला पाठवण्यात आला होता. तिकडून आलेल्या अहवालातही सुशांतच्या चॅटिंगमध्ये कोणतेही फेरफार करण्यात आलेले नाहीत, असे स्पष्ट करण्यात आले आहे.

9/12

सुशांत सिंह राजपूत याला कट रचून मारण्यात आले का, याचाही तपास सीबीआयने केला होता. मात्र, फॉरेन्सिक टीमने या दाव्यातही तथ्य नसल्याचे म्हटले आहे.

10/12

सुशांत सिंह राजपूत प्रकरणाचा तपास सुरुवातीला मुंबई पोलिस करत होते. त्याचवेळी या प्रकरणी बिहारमध्येही गुन्हा दाखल करण्यात आला. त्यामुळे बिहार पोलीस आणि मुंबई पोलीस यांच्यात अधिकार क्षेत्रावरून वाद निर्माण झाला. बिहार सरकारच्या शिफारशीवरून केंद्र सरकारने या प्रकरणाच्या सीबीआय तपासाला मान्यता दिली होती. 19 ऑगस्ट 2020 रोजी सर्वोच्च न्यायालयाने सीबीआयला या प्रकरणाचा संपूर्ण तपास करण्याचे अधिकार दिले होते.

11/12

रिया चक्रवर्ती हिचे वकील सतीश मानेशिंदे यांनी म्हटले की, मला गर्व आहे की, मी एका लष्करी कुटुंबाचा बचाव केला. मी रिया चक्रवर्ती आणि तिच्या कुटुंबाला सलाम करतो. रियाला अनेक संकटांचा सामना करावा लागला, असे सतीश मानेशिंदे यांनी म्हटले.

12/12