Buldhana: तापमानवाढीने ऑक्सिजन सिलेंडरचा भीषण स्फोट, 40 वर्षीय इसमाचा जागीच मृत्यू, एक गंभीर जखमी, मलकापुरात खळबळ

घटनास्थळी जवळपास 70 ते 80 ऑक्सीजन सिलेंडर भरलेले होते.

Malkapur Accident

बुलढाण्यातील मलकापूर शहरात आज दुपारी लक्ष्मी नगर भागातील शिवराज फायर सर्व्हिसेस या एजन्सीत ऑक्सिजन सिलेंडरचा भीषण स्फोट झाला.

बुलढाण्यातील मलकापूर शहरात आज दुपारी लक्ष्मी नगर भागातील शिवराज फायर सर्व्हिसेस या एजन्सीत ऑक्सिजन सिलेंडरचा भीषण स्फोट झाला.

तापमानवाढीमुळे हा भीषण स्फोट झाला असून प्राथमिक माहितीनुसार, उष्णतेच्या तीव्रतेमुळे सिलेंडरचा स्फोट झाल्याची शक्यता आहे.

सिलेंडरचा स्फोट झाला त्यावेळी घटनास्थळी जवळपास 70 ते 80 ऑक्सीजन सिलेंडर भरलेले होते

मात्र, वेळीच झालेल्या हस्तक्षेपामुळे मोठा अनर्थ टळला. तरीही चाळीस वर्षीय एका व्यक्ती या स्फोटात जागीच मृत झाला. तर एकजण गंभीर जखमी आहे.

गंभीर जखमी व्यक्तीवर मलकापूर येथील खासगी रुग्णालयात उपचार सुरू आहेत. घटनास्थळी पोलिस आणि अग्निशमन दल दाखल झाले असून, अधिक तपास सुरू आहे.

या दुर्घटनेमुळे मलकापूर शहरात एकच खळबळ उडाली आहे. तापमान वाढीमुळे अशा प्रकारच्या घटना घडू शकतात, यामुळे नागरिकांमध्ये भीतीचे वातावरण आहे.