Earthquake in Maharashtra : सातारा, कोयना परिसरात भूकंपाचे सौम्य धक्के

Earthquake in Maharashtra : साताऱ्यात भूकंपाचे सौम्य धक्के जाणवले असून भूकंपाची तीव्रता 3.3 रिश्टर स्केल इतकी होती. कोयना परिसरात सकाळी 9 वाजून 15 मिनिटांनी भूकंपाचे हे धक्के जाणवले आहेत.

महाराष्ट्रात भूकंपाचे सौम्य धक्के

Earthquake in Maharashtra : महाराष्ट्रात सातारा जिल्ह्यातील काही भागांत भूकंपाचे काही सौम्य धक्के जाणवले आहेत. भूकंपाची 3.3 रिश्टर स्केल तीव्रतेचे धक्के साताऱ्यात जाणवले आहेत. सकाळी 9 वाजण्याच्या सुमारास हे धक्के जाणवले. कोयनापासून अवघ्या 10 किलोमीटरच्या परिसरात भूकंपाचे धक्के जाणवले असल्याची माहिती मिळत आहे. अचानक जाणवलेल्या धक्क्यामुळे नागरिक भयभीत झाले आहेत. परंतु, सौम्य धोका असल्यामुळं कोणतीही हानी झालेली नाही. तसेच कोयना धरणाला कुठलाही धोका नसल्याची माहिती वरिष्ठ अधिकाऱ्यांनी दिली आहे. प्रशासनाकडून नागरिकांना न घाबरण्याचं आवाहन करण्यात आलं आहे. राष्ट्रीय भूकंपशास्त्र केंद्रानं ही माहिती दिली आहे.  

सकाळी मणिपूरमध्येही भूकंपाचे सौम्य धक्के जाणवले. राष्ट्रीय भूकंपशास्त्र केंद्रानं दिलेल्या माहितीनुसार, 4.3 रिश्टर स्केल तीव्रतेचे धक्के आज सकाळी 6 वाजून 56 मिनिटांनी उखरूल, मणिपूरमध्ये जाणवले. दरम्यान, मणिपूरमध्ये जाणवलेले भूकंपाचे धक्केही सौम्य असून कोणतीही जीवीतहानी किंवा वित्तहानी झालेली नाही. 

दरम्यान, यापूर्वी 8 मे रोजीही साताऱ्यात भूकंपाचे काही सौम्य धक्के जाणवले होते. दुपारी 1 वाजून 55 मिनिटांनी कोयना परिसरात भूकंपाचा पहिला धक्का जाणवला होता. हा धक्का 2.8 रिश्टर स्केल इतका होता. त्यानंतर अवघ्या 3 मिनिटांच्या अंतरानं येथे दुसरा धक्का बसला होता. त्यामुळे नागरिक भयभीत झाले होते. 

चीनमध्ये भूकंपामुळे तीन लोकांच्या मृत्यू, तर 28 हून अधिक जखमी

चीनमध्ये काही दिवसांपूर्वी झालेल्या भूकंपामुळे तीन लोकांच्या मृत्यू झाला असून 28 लोक गंभीर जखमी झाले आहेत. चीनमध्ये 6.4 रिश्टर स्केलचा भूकंपचा धक्का बसला होता. यामध्ये तीन लोकांचा मृत्यू झाला असून 28 हून अधिक नागरिक जखमी झाले आहेत. चीनमधील युन्नान प्रांतात भूकंपाचं केंद्र पाहायला मिळालं. 

महत्त्वाच्या इतर बातम्या :