IND vs SA Semifinal Scenario : चॅम्पियन्स ट्रॉफी सेमीफायनलमध्ये 'चोकर्स' संघाशी भिडणार टीम इंडिया? जाणून घ्या समीकरण
Champions Trophy 2025 semifinal qualification scenarios : 2025 च्या चॅम्पियन्स ट्रॉफीमध्ये भारतीय संघाने आतापर्यंत धमाकेदार कामगिरी केली आहे.
India vs South Africa Semifinal Scenario : 2025 च्या चॅम्पियन्स ट्रॉफीमध्ये भारतीय संघाने आतापर्यंत धमाकेदार कामगिरी केली आहे. पहिल्या दोन सामन्यांमध्ये बांगलादेश आणि पाकिस्तानला हरवून भारताने थेट उपांत्य फेरीत प्रवेश केला. आता त्यांचा शेवटचा लीग स्टेज सामना न्यूझीलंडविरुद्ध आहे. न्यूझीलंडनेही उपांत्य फेरीतील आपले स्थान निश्चित केले आहे. आतापर्यंत दुसऱ्या गटातील एकाही संघाला उपांत्य फेरी गाठता आलेली नाही. पण, सध्या दक्षिण आफ्रिका आणि ऑस्ट्रेलिया हे उपांत्य फेरी गाठण्यासाठी सर्वात मोठे दावेदार असल्याचे दिसून येते. उपांत्य फेरीत भारत 'चोकर्स' दक्षिण आफ्रिकेशी भिडू शकतो, याचे समीकरण जाणून घेऊया...
साखळी फेरीतील शेवटच्या सामन्यात दक्षिण आफ्रिकेचा सामना इंग्लंडशी होईल, जो स्पर्धेतून बाहेर पडला आहे. सेमीफायनलमध्ये प्रवेश करण्यासाठी दक्षिण आफ्रिकेला हा सामना जिंकावाच लागेल. या सामन्यातील विजयामुळे दक्षिण आफ्रिकेचे सेमीफायनलमधील स्थान निश्चित होईल. जर दक्षिण आफ्रिकेला त्यांच्या गटात अव्वल स्थान मिळवायचे असेल, तर त्यांना इंग्लंडविरुद्ध मोठा विजय मिळवण्याचा प्रयत्न करावा लागेल.
अफगाणिस्तानविरुद्ध ऑस्ट्रेलियाचा पराभव
अफगाणिस्तानने इंग्लंडला ज्या प्रकारे हरवले, त्यानंतर ऑस्ट्रेलियन संघालाही त्यांचा धोका जाणवत आहे. अफगाणिस्तानने शानदार कामगिरी करत उपांत्य फेरीचा मार्ग मोकळा केला आहे. जर त्यांनी ऑस्ट्रेलियालाही हरवले तर तेही उपांत्य फेरीत प्रवेश करू शकतो. पण, अफगाणिस्तानने ऑस्ट्रेलियाला हरवले तर भारत आणि दक्षिण आफ्रिका यांच्यातील उपांत्य फेरीच्या सामन्याचा मार्ग मोकळा होऊ शकतो.
INTO THE SEMIS 🤩
— ICC (@ICC) February 24, 2025
A third-successive final-four appearance for India at the #ChampionsTrophy 👏 pic.twitter.com/N8kR0rhRMy
न्यूझीलंडचा भारतावर विजय
जर दक्षिण आफ्रिका आपल्या गटात अव्वल स्थानावर राहिली तर भारताविरुद्ध उपांत्य सामना फक्त तेव्हाच होऊ शकतो, जेव्हा भारतीय संघ त्यांच्या गटात दुसऱ्या क्रमांकावर राहील. भारताने आतापर्यंत दोन सामने जिंकले आहेत आणि जर त्यांनी शेवटचा सामनाही जिंकला तर ते त्यांच्या गटात अव्वल स्थानावर पोहोचतील.
पण, आयसीसी स्पर्धांमध्ये न्यूझीलंडविरुद्ध भारताला नेहमीच अडचणी येत आल्या आहेत. अशा परिस्थितीत, जर न्यूझीलंडने शेवटच्या सामन्यात भारताला हरवले तर भारतीय संघ दुसऱ्या क्रमांकावर आणि न्यूझीलंड पहिल्या क्रमांकावर राहील. अशा परिस्थितीत भारत आणि दक्षिण आफ्रिका यांच्यात उपांत्य फेरीचा मार्ग मोकळा होईल.
हे ही वाचा -
महत्त्वाच्या बातम्या
