Ranveer Singh : बॉलिवूड अभिनेता रणवीर सिंह पुन्हा अडचणीत; विमा संपलेली कार चालवणं पडणार महागात?

Ranveer Singh : रणवीर नुकताच स्वतः अॅस्टन मार्टिन ही गाडी चालवताना स्पॉट झाला होता. मात्र, याबाबत एका ट्विटर युजरने दावा केला आहे की, या कारचा विमा संपला आहे.

Ranveer Singh

Ranveer Singh : बॉलिवूड अभिनेता रणवीर सिंह (Ranveer Singh) नेहमीच कोणत्या ना कोणत्या कारणाने नेहमीच चर्चेत असतो. सध्या रणवीरच्या मागे वादांचा ससेमिरा लागला आहे. काही काळापूर्वी बोल्ड न्यूड फोटोमुळे चर्चेत आलेला हा अभिनेता पुन्हा एकदा अडचणीत सापडला आहे. अभिनेता नुकताच मुंबई विमानतळावर त्याच्या अॅस्टन मार्टिनमध्ये (Aston Martin) दिसला. रणवीर सिंहने ही कार तब्बल 3.9 कोटींना खरेदी केली आहे. पण, आता रणवीर त्याच्या याच कारमुळे अडचणीत आला आहे.

रणवीर नुकताच स्वतः ही गाडी चालवताना स्पॉट झाला होता. मात्र, याबाबत एका ट्विटर युजरने दावा केला आहे की, या कारचा विमा संपला आहे. स्क्रीनशॉट शेअर करत गुप्ता अण्णा नावाच्या एका ट्विटर युजरने लिहिले की, ‘मुंबई पोलीस रणवीर सिंहवर कठोर कारवाईची करण्याची गरज आहे. तो काल विमा संपलेली कार चालवत होता.’

पाहा पोस्ट :

ट्विटर युजरच्या मते, रणवीर सिंहच्या या कारचा विमा 28 जून 2020 रोजी संपला होता. तरीही ही रस्त्यांवर कार चालवून बॉलिवूड अभिनेत्याने वाहतूक नियमांचे उल्लंघन केले आहे. अशा परिस्थितीत त्यांच्यावर कठोर कारवाई व्हायला हवी. अशी मागणी त्याने केले आहे. तर, त्याच्या ट्विटवर रिप्लाय देत मुंबई पोलिसांनी ‘आम्ही ट्राफिक पोलिसांना याबद्दल माहिती दिली आहे’, असे म्हटले आहे.

रणवीरवर कारवाई होणार?

मुंबई पोलिसांच्या या उत्तरावर आता सोशल मीडिया युजर्स प्रतिक्रियांचा अक्षरशः पाऊस पाडत आहेत. एका युजरने तर कमेंट करत विचारले की, ‘व्हीव्हीआयपी लोकांना एवढी सुविधा का मिळते?’. मात्र, आता या प्रकरणामुळे रणवीर पुन्हा एकदा अडचणीत येणार की, त्यातून सुटणार याकडे सगळ्यांचेच लक्ष लागून राहिले आहे.

कारच्या विम्याची किंमत माहितेय का?

आता अभिनेता रणवीर सिंहच्या या कृत्यामुळे जर त्याला दंड भरावा लागला तर, तर त्याला लाखोंचा फटका बसणार आहे. रणवीरच्या Aston Martin कारची किंमत तब्बल 3.9 कोटी रुपये इतकी आहे. अभिनेत्याने ही कर विकत घेतल्यानंतर त्यात काही बदल देखील केले आहेत. त्याने या कारचा रंग बदलून आकाशी केला आहे. तर, काही मीडिया रिपोर्ट नुसार या गाडीच्या विम्याची किंमत ही 3 ते 6 लाखांच्या घरात आहे. अर्थात गाडीच्या मॉडेलनुसार ही किंमत ठरवली जाते. अशातच आता जर त्या ट्विटर युजरने केलेल्या दाव्यात सत्यता असेल, तर अभिनेत्याला मोठा दंड देखील आकारला जाऊ शकतो. मात्र, काहींनी ही माहिती चुकीची असल्याचे देखील म्हटले आहे. अशा माहिती देणाऱ्या अॅप्समध्ये काही त्रुटी असू शकतात, असा दावा देखील त्यांनी केला आहे. यावर आता अभिनेत्याच्या अधिकृत प्रतिक्रियेची प्रतीक्षा सर्वांनाच आहे.

हेही वाचा :