ज्वारीच्या कडक भाकरीवर छत्रपती शिवराय; महाराजांची अफलातून कलाकृती, पाहा फोटो...

देशभरात आज श्रीमंत छत्रपती शिवाजी महाराज यांची जयंती उत्साहात साजरी केली जात असून खासदार उदयनराजे भोसले यांच्या जलमंदिर पॅलेसवरही शिवजंयतीचा उत्साह पाहायला मिळत आहे.

shivaji maharaj drawing on roti

देशभरात आज श्रीमंत छत्रपती शिवाजी महाराज यांची जयंती उत्साहात साजरी केली जात असून खासदार उदयनराजे भोसले यांच्या जलमंदिर पॅलेसवरही शिवजंयतीचा उत्साह पाहायला मिळत आहे.

शिवजयंतीनिमित्त विविध सामाजिक व विधायक उपक्रम राबवले जात आहेत. अनेक ठिकाणी मिरवणूक, काही ठिकाणी छावा सिनेमा मोफत, तसेच विविध कलाकृतीतून महाराजांना अभिवादन केलं जात आहे.

छत्रपती शिवाजी महाराजांचे अप्रतिम चित्र भाकरीवर साकारण्यात आलं आहे. सातारा जिल्ह्याच्या पाटण तालुक्यातील डाकेवाडी (काळगांव) येथील शेतीमित्र डॉ. संदीप डाकवे यांनी हे चित्र साकारले आहे.

ज्वारीच्या कडक भाकरीवर 5 इंच बाय 4 इंच या आकारात ॲक्रालिक रंगाच्या माध्यमातून शिवरायांचे हे चित्र तयार केले आहे.

शिवजन्मोत्सवाचे औचित्य साधून डॉ.संदीप डाकवे यांनी साकारलेले चित्र पाहण्यासाठी शिवप्रेमी गर्दी करत आहेत. गतवर्षी त्यांनी किल्ले आणि मावळे यांच्या नावातून महाराजांची अप्रतिम कलाकृती तयार केली होती.

छत्रपती शिवाजी महाराजांना अभिवादन करण्यासाठी कलाकार विविध माध्यमांतून आपली कला सादर करतात. कुठे वाळूच्या शिल्पात शिवरायांचे चित्र साकारले जाते.

भव्य दिव्य रांगोळी काढून, कधी पिंपळाच्या पानावर देखील शिवरायांचे चित्र साकारण्यात आल्याचं पाहिलं आहे. आता, चक्क भाकरीवर रयतेचा राजा, शिवबा माझा.. साकारण्यात आला आहे.