Eknath Shinde on Rahul Gandhi : शिवरायांचा अपमान हा महाराष्ट्रासह देशाचा अपमान

Eknath Shinde on Rahul Gandhi : शिवरायांचा अपमान हा महाराष्ट्रासह देशाचा अपमान

शिवरायांचा अपमान, महाराष्ट्रासह देशाचा अपमान
राहुल गांधीकडून लाखो शिवभक्तांचा अपमान
सावरकरांचा वारंवार अपमान
आता शिवरायांपर्यंत यांची मजल गेली
राहुल गांधींनी माफी मागायलाच हवी
महापुरूषांचा अपमान करणाऱ्यांनी माफी मागायलाच हवी

संंभाजी माहाराज स्वाभिमानी होते
धर्मासाठी त्यांनी जीव पणाला लावला
त्यांच्यावर अतोनात अत्याचार झाले
त्यांच्यावर झालेल्या अत्याचाराचं छावा चित्रपटात वर्णन
मी अद्याप बघितला नाही लवकरच बघणार

Rahul Gandhi Shivjayanti 2025 नवी दिल्ली: छत्रपती शिवाजी महाराज (Chhatrapati Shivaj Maharaj) यांची आज 395 वी जयंती आहे. महाराष्ट्रासह देशभरातील विविध ठिकाणी देखील शिवजयंती मोठ्या उत्साहात साजरी करण्यात येत आहे. शिवजयंतीच्या निमित्ताने काँग्रेसचे नेते राहुल गांधी (Rahul Gandhi) यांनी देखील एक्सवर पोस्ट करत छत्रपती शिवाजी महाराजांना अभिवादन केले. मात्र शिवजयंतीनिमित्त ट्विट करताना राहुल गांधी (Rahul Gandhi) यांनी छत्रपती शिवाजी महाराजांना श्रद्धांजली वाहिल्याचा दावा भाजपचे नेते अतुल भातखळकर (Atul Bhatkhalkar) यांनी केला आहे. 

राहुल गांधी यांनी छत्रपती शिवाजी महाराजांच्या जयंतीनिमित्त केलेल्या ट्विट करताना चक्क श्रद्धांजली अर्पण केली आहे. हा महाराष्ट्रीयन लोकांचा आणि देशभरातील लोकांचा अपमान आहे. जयंतीच्या दिवशी आदरांजली व्यक्त करतात, पण राहुल गांधी हे नेहमी देशातील आणि महाराष्ट्रातील महापुरुषांच्या विषयी कळत-नकळत अनादर व्यक्त करत असतात, त्यातील हा प्रकार आहे, अशी टीका अतुल भातखळकर यांनी केली. राहुल गांधी यांनी ट्विट मागे घ्यावं, असंही अतुल भातखळकर यांनी म्हटलं आहे.