SIP Investment : एसआयपीमध्ये गुंतवणूक करण्याच्या विचारात आहात? तर त्याआधी 'या' गोष्टी जाणून घ्या!

SIP Investment Plan : तुम्हाला SIP चा पूर्ण फायदा घ्यायचा असेल, तर तुम्हाला SIP मध्ये नियमितपणे गुंतवणूक करत राहावे लागेल.

SIP Investment Tips

Source : istockphoto

SIP Investment Tips : म्युच्युअल फंडात (Mutual Funds) गुंतवणुकीचा सर्वात सोपा आणि लोकप्रिय मार्ग म्हणजे एसआयपी (SIP) म्हणजेच पद्धतशीर गुंतवणूक योजना (Systematic Investment Plan). SIP द्वारे, तुम्ही नियमित अंतराने म्युच्युअल फंडात पैसे गुंतवून दीर्घकाळासाठी चांगला निधी जमा करू शकता. दरम्यान, सर्व SIP गुंतवणूकदारांना चांगला आणि एकसारखा परतावा मिळतो असं नाही. अनेक उदाहरणं अशी आहेत, ज्यामध्ये पहिल्या दोन-तीन वर्षांत SIP परतावा नकारात्मक राहिला आहे. तर काहींना भरघोस परताना मिळाला आहे. तुम्हाला SIP चा पूर्ण फायदा घ्यायचा असेल, तर तुम्हाला SIP मध्ये नियमितपणे गुंतवणूक करत राहावे लागेल. 

SIP मध्ये गुंतवणूक करण्याच्या विचारात आहात?

अनेकदा असे दिसून येते की, गुंतवणूकदार घाबरून SIP मधून पैसे काढतात, ज्याचे परिणाम त्यांना स्वतःला भोगावे लागतात. जर तुम्हाला यशस्वी एसआयपी गुंतवणूक करायची असेल आणि तुम्हाला SIP च्या पूर्ण क्षमतेने फायदा घ्यायचा असेल, तर तुम्हाला SIP मध्ये नियमितपणे गुंतवणूक करत राहावे लागेल. एसआयपीमध्ये गुंतवणूक करणार असाल तर त्याआधी काही गोष्टी नक्की घ्या.

एसआयपीला गुंतवणुकीदारांची पसंती

एसआयपीच्या माध्यमातून भारतातील गुंतवणूक झपाट्याने वाढली आहे. AMFI डेटानुसार, सात वर्षांपूर्वी एसआयपीद्वारे मासिक योगदान 3 हजार कोटी रुपये होते, ते आता 16 हजार रुपये प्रति महिनाच्या पुढे गेलं आहे. एसआयपी गुंतवणुकीसाठी लोकप्रिय पद्धत ठरली आहे. एसआयपी लोकांना त्यांच्या गुंतवणुकीचे योग्य नियोजन करण्यास मदत करते. याचे अनेक फायदे असले तरी, त्याचे काही तोटेही आहेत. यामुळे, प्रत्येकाने एसआयपी करण्यापूर्वी काही गोष्टी लक्षात ठेवणं गरजेचं आहे.

जोखीम घेण्याच्या क्षमतेचे परतावा अवलंबून

एसआयपीमध्ये गुंतवणूक करण्याच्या सर्वात आधी तुमचं आर्थिक उद्दिष्ट ठरवा. आर्थिक उद्दिष्ट ठरवणे ही SIP चं नाही तर कोणत्याही प्रकारच्या गुंतवणुकीची पहिली पायरी आहे. तुमचे उद्दिष्ट दीर्घकालीन आहे की अल्पकालीन हे ठरवल्याने गुंतवणुकीचा पर्याय निवडणं सोपं होईल. एसआयपी करण्यापूर्वी, तुम्ही तुमच्या जोखीम घेण्याच्या क्षमतेचे मूल्यांकन केलं पाहिजं. तुम्हाला अनेक SIP मध्ये जास्त परतावा मिळू शकतो, पण तिथेही जोखीम जास्त असते. त्याच वेळी, कमी जोखमीच्या योजनांमध्ये परतावा देखील कमी असतो. त्यामुळे तुम्ही किती जोखीम घेऊ शकता, यावरही तुमचा परतावा अवलंबून असतो.

पैसे गुंतवण्यापूर्वी सखोल अभ्यास करा

SIP पोर्टफोलिओ वैविध्यपूर्ण असावा. वैविध्यपूर्ण पोर्टफोलिओ जोखीम आणि परतावा संतुलित करण्यास मदत करेल. कोणत्याही एसआयपीमध्ये पैसे गुंतवण्यापूर्वी, योजनेचा सखोल अभ्यास करा. योजना तपासण्यासोबतच फंड हाऊस तपासणंही महत्त्वाचं आहे. गुंतवणुकीच्या प्रवासातील सर्वात महत्त्वाची गोष्ट म्हणजे शिस्त. जेव्हा तुम्ही पूर्ण शिस्तीने नियमितपणे गुंतवणूक करता तेव्हाच SIP प्रभावी ठरते आणि यातूनच तुम्ही जास्तीत जास्त परतावा मिळवू शकता.

(Disclaimer : ही बातमी केवळ माहितीसाठी आहे. शेअर बाजारातील गुंतवणूक ही जोखीमपूर्ण आहे. शेअर बाजारात व्यवहार करण्यापूर्वी आर्थिक सल्लागाराचा सल्ला घ्यावा. तुमच्या आर्थिक नुकसानीला एबीपी माझा जबाबदार राहणार नाही.) 

महत्त्वाच्या इतर बातम्या :