IPL 2025 DC vs LSG Ashutosh Sharma: 11 चेंडूत झळकावलंय अर्धशतक; युवराज सिंगचा मोडलाय विक्रम, आशुतोष शर्माच्या नावावर भीमपराक्रम

IPL 2025 DC vs LSG Ashutosh Sharma: लखनौविरुद्ध आशुतोष शर्माने तडाखेबंद नाबाद अर्धशतक झळकावले.

IPL Ashutosh Sharma

आयपीएल 2025 च्या हंगामातील चौथा सामना दिल्ली कॅपिटल्स आणि लखनौ सुपर जायट्स यांच्यात खेळण्यात आला. या सामन्यात दिल्लीने लखनौचा एक विकेट्सने पराभव केला. (Image Credit-IPL)

दिल्ली आणि लखनौचा हा सामना शेवटच्या षटकांपर्यंत गेला. एकावेळी लखनौ सामना सहज जिंकेल असे वाटत असताना दिल्लीकडून आशुतोष शर्मा आणि विप्राज निगम याने दमदार खेळी केली.(Image Credit-IPL)

आशुतोष शर्माने तडाखेबंद नाबाद अर्धशतक झळकावले. त्यामुळे लखनौने दिलेल्या 209 धावांचे लक्ष्य दिल्लीने 19.3 षटकांतच 9 बाद 211 धावा करून पार केले.(Image Credit-IPL)

2023 मध्ये खेळल्या गेलेल्या सय्यद मुश्ताक अली ट्रॉफीमध्ये आशुतोषने 11 चेंडूत अर्धशतक झळकावून युवराज सिंगचा विक्रम मोडीत काढला होता. (Image Credit-IPL)

सय्यद मुश्ताक अली स्पर्धेतील क गटातील सामन्यात अरुणाचल प्रदेशविरुद्ध आशुतोषने 11 चेंडूत अर्धशतक झळकावून युवराज सिंगचा 16 वर्ष जुना विक्रम मोडीत काढला. (Image Credit-IPL)

युवराज सिंगने 2007 च्या T20 विश्वचषकात इंग्लंडविरुद्ध 12 चेंडूत अर्धशतक झळकावले होते.(Image Credit-IPL)

आशुतोष शर्मा यांचा जन्म 15 सप्टेंबर 1998 रोजी मध्य प्रदेशातील रतलाम येथे झाला होता. तो रेल्वेकडून प्रथम श्रेणी क्रिकेट खेळतो.(Image Credit-IPL)