IPL 2025: कुलदीपला पहिले धक्का दिला, मग क्रीजबाहेर पडताच रनआऊट केले; पंतच्या कृतीकडे अंपायरही पाहत बसले, VIDEO
IPL 2025 Rishabh Pant And Kuldeep Yadav: दिल्लीकडून आशुतोष शर्मा आणि विप्राज निगमने लखनौच्या तोंडातील विजय हिसकावून घेतला.
IPL 2025 Rishabh Pant And Kuldeep Yadav: लखनौ सुपर जायट्सने दिल्ली कॅपिटल्सवर (Delhi Capitals vs Lucknow Super Giants) एक विकेट्सने विजय मिळवला. तब्बल 209 धावा उभारल्यानंतर दिल्लीची 5 बाद 65 अशी अवस्था केली. मात्र दिल्लीकडून आशुतोष शर्मा आणि विप्राज निगमने लखनौच्या तोंडातील विजय हिसकावून घेतला.
Close finish ✅
— IndianPremierLeague (@IPL) March 25, 2025
Safe to say, the #DC dugout was a bunch of emotions in those last couple of overs of a nail-biter! 😦 ☺
𝗥𝗮𝘄 𝗩𝗶𝘀𝘂𝗮𝗹𝘀! 🎥 🔽 #TATAIPL | #DCvLSG | @DelhiCapitals pic.twitter.com/0EIdIQ7VTt
तब्बल 209 धावा उभारल्यानंतर दिल्लीची 5 बाद 65 अशी अवस्था केली. आशुतोष शर्माचे तडाखेबंद नाबाद अर्धशतक आणि विप्राज निगमचा निर्णायक अष्टपैलू खेळ दिल्लीसाठी मोलाचा ठरला. प्रथम फलंदाजीचे निमंत्रण मिळाल्यानंतर लखनौने 20 षटकांत 8 बाद 209 धावा उभारल्या. हे आव्हान दिल्लीने 19.3 षटकांतच 9 बाद 211 धावा करून पार केले. या सामनादरम्यानचा लखनौचा कर्णधार ऋषभ पंत आणि दिल्लीचा गोलंदाज कुलदीप यादवचा एक मजेशीर व्हिडीओ सध्या सोशल मीडियावर व्हायरल होत आहे.
ऋषभ पंतची कुलदीप यादवसोबत मस्ती, VIDEO:
कुलदीप यादव फलंदाजीसाठी मैदानात आला होता. यावेळी ऋषभ पंतने पहिले कुलदीप यादवला क्रीजबाहेर ढकलले आणि नंतर त्याला स्टंपआऊटही केले. मात्र हे सर्व मस्तीत सुरु होते. परंतु दोघांच्या या कृतीकडे मैदानातील अंपायरही पाहत बसले होते. दरम्यान,ऋषभ पंत आणि कुलदीप यादव यांच्यातील मैत्री कोणापासूनही लपलेली नाही. अनेकवेळा दोघंही एकमेकांची मस्ती करताना मैदानात दिसून येतात.
Rishabh Pant having fun with Kuldeep Yadav 😂#RishabhPant #ashutoshsharma#TATAIPL2025 #DCvLSG pic.twitter.com/mIoXiErBpt
— Kiran Vaniya (@kiranvaniya) March 24, 2025
लखनौकडून मार्श आणि पूरनची आक्रमक खेळी-
लखनौ सुपर जायंट्सची सुरुवात चांगली झाली. एडन मार्क्रम लवकर बाद झाल्यानंतरही, मिचेल मार्श (72) आणि निकोलस पूरन (75) यांनी दिल्लीच्या गोलंदाजांना धू धू धुतले. दोघांनीही फक्त 42 चेंडूत 87 धावांची भागीदारी केली. यादरम्यान, मार्शने 21 चेंडूत आपले अर्धशतक पूर्ण केले आणि 36 चेंडूत 72 धावा करून बाद झाला. तर पूरनने 24 चेंडूत अर्धशतक ठोकले. 30 चेंडूत 75 धावा करून पूरन अखेर बाद झाला. यादरम्यान, पूरनने त्याच षटकात सलग 4 षटकार आणि 1 चौकारही मारला.
संबंधित बातमी:
महत्त्वाच्या बातम्या
