Dr. Ambedkar Memorial | इंदू मिल इथल्या डॉ. बाबासाहेब आंबेडकर स्मारकाची उंची वाढणार | ABP Majha

मुंबईतील दादर परिसरातील इंदू मिलमधल्या प्रस्तावित डॉ. बाबासाहेब आंबेडकर स्मारकाची उंची वाढवण्यात येणार आहे. यापूर्वी डॉ. बाबासाहेब आंबेडकर यांच्या पुतळ्याची उंची 250 फूट निश्चित करण्यात आली होती. आता ती वाढवून साडे 300 फूट होणार आहे. ठाकरे सरकारने याबाबत नवा प्रस्ताव आणला आहे. आज कॅबिनेट बैठकीत याबाबत चर्चा होणार आहे. दरम्यान, उंची वाढवल्यामुळे पुतळ्याचा खर्च देखील वाढणार आहे. परिणामी 709 कोटींचा खर्च आता 990 कोटींवर जाणार आहे. या स्मारकाचा पाया 100 फुटांचा असेल. 14 एप्रिल 2020 पर्यंत स्मारकाचे काम पूर्ण होणार असल्याचा दावा उपमुख्यमंत्र्यांनी केला असला तरी स्मारकाची एक वीटही अद्याप रचली गेलेली नाही.