Maharashtra Politics: 6 खासदार उद्धव ठाकरेंची साथ का सोडणार?; महत्वाची 5 कारणं आली समोर

Maharashtra Politics: ठाकरेंचे 6 खासदार लवकरच शिवसेना शिंदे गटात पक्षप्रवेश करणार असल्याचं बोललं जात आहे.

Maharashtra Politics

Maharashtra Politics: राज्यात पुन्हा मोठा राजकीय भूकंप होऊ घातला आहे.. शिवसेना ठाकरे पक्षाचे सहा खासदार उद्धव ठाकरेंची साथ सोडून एकनाथ शिंदेंच्या शिवसेनेला जाऊन मिळणार असल्याची खात्रीलायक माहिती एबीपी माझाच्या हाती आहे.

ठाकरेंचे 6 खासदार लवकरच शिवसेना शिंदे गटात पक्षप्रवेश करणार असल्याचं बोललं जात आहे. शिवसेनेनं ऑपरेशन टायगरची तयारी जवळपास पूर्ण केलीय. सध्या ठाकरेंचे 9 खासदार लोकसभेत आहेत. त्यापैकी 6 खासदार शिंदे गटात दाखल होऊ शकतात असं समजतंय. खासदार उद्धव ठाकरेंची साथ का सोडू शकतात?, यामागचं कारण जाणून घ्या...

पुढील 5 वर्ष महायुतीचं मजबूत सरकार असल्याने अनेक खासदारांना आपल्या भविष्याची चिंता…

खासदारांना प्रामुख्याने निधी मिळवण्यासाठी अडचण…

केंद्रात आणि राज्यात दोन्हीकडे सरकार महायुतीचं असल्याने त्याचा फायदा

पक्ष आणि चिन्हासंदर्भातला मुद्दा गौण ठरलाय. प्रमुख कारण म्हणजे एकनाथ शिंदेंच्या नेतृत्वाखाली शिवसेनेनं निवडणूक लढली आणि लोकांनी त्यांना स्विकारलं.

केंद्रात भाजपची साथ असल्याने विकास कामांना गती मिळण्यास मदत…सोबतच, निधी मिळण्यास अडचणी नाहीत.