Palghar Accident: पालघर धानिवरी येथे भीषण अपघात, एकाच कुटुंबातील तिघांवर काळाचा घाला

Palghar Accident: पालघर जिल्ह्यातील धानिवरी येथे मुंबई-अहमदाबाद राष्ट्रीय महामार्गावर कार-मालवाहू ट्रकचा भीषण अपघात झाला.

Palghar Accident: पालघर धानिवरी येथे भीषण अपघात, एकाच कुटुंबातील तिघांवर काळाचा घाला

मुंबई-अहमदाबाद राष्ट्रीय महामार्गावर आज, 30 नोव्हेंबर रोजी, दुपारी तीन वाजताच्या सुमारास भीषण अपघात झाला.

या अपघातात एकाच कुटुंबातील तिघांचा जागीच मृत्यू झाला. तर एक जण गंभीर जखमी आहे.

मालवाहू ट्रक आणि ब्रिझा कार मध्ये धानिवरी येथे हा भीषण अपघात झाला.

या अपघातात दीपक अग्रवाल , सुमित्रा अग्रवाल, सत्यनारायण अग्रवाल अशा तिघांचा मृत्यू झाला तर केतन अग्रवाल हा जखमी झाला.

जखमी केतन अग्रवालवर रुग्णालयात उपचार सुरू आहेत.

समोरील वाहनाचा अंदाज न आल्याने ब्रिझा कारने मागून धडक दिल्याने हा अपघात झाला.

अपघातानंतर काही वेळातच जखमींना कासा उपजिल्हा रुग्णालयात उपचारासाठी दाखल करण्यात आले.

मात्र, रुग्णालयात डॉक्टरांनी तीन जखमींना मृत घोषित केले.

मुंबई अहमदाबाद राष्ट्रीय महामार्गावर आजही टोल वसूल केल्या जाणाऱ्या कंपनीकडून वेळेत रुग्णवाहिका पोहचत नसल्याचं चित्र आहे.

त्यामुळे टोल वसूल करणाऱ्या कंपनीने फक्त टोल वसूल न करता महामार्गावर होणाऱ्या अपघातांच्या ठिकाणी तातडीने मदत पोहोचवावी अशी मागणी स्थानिक आणि प्रवाशांकडून केली जात आहे