Palghar Accident : पालघरमध्ये एसटीचा भीषण अपघात; दोन चिमुकल्यांचा मृत्यू, 10 ते 15 जण जखमी

Palghar ST Bus Accident : मनोर-विक्रमगड रोडवर बोरांडा येथे एसटी बसचा अपघात झाला आहे. या अपघातात दोन चिमुकल्यांचा मृत्यू झाला असून 10 ते 15 जण जखमी झाले आहेत.

Palghar ST Bus Accident

पालघरमधून भीषण अपघाताची बातमी समोर आली आहे, मनोर-विक्रमगड मार्गावर बोरांडा येथे एसटी बसचा अपघात झाला आहे.

पालघर-शिर्डी बसला मालवाहून ट्रकने जोरदार धडक दिली, या अपघातामध्ये दोन चिमुकल्यांचा जागीट मृत्यू झाला आहे, तर दहा ते पंधरा प्रवासी जखमी झाले आहेत.

पोलिसांनी घटनास्थळी धाव घेत जखमींना सहाय्य केलं आहे.

या अपघातामध्ये जखमी झालेल्या प्रवाशांना स्थानिकाच्या मदतीने तातडीने उपचारासाठी रुग्णालयात हलवण्यात आले आहे.

दरम्यान मोखाडाच्या दौऱ्यावर असलेल्या खासदार राजेंद्र गावित यांच्यासमोरच हा अपघात झाला.

गावित यांनी आपल्या खासगी वाहनातून जखमींना तातडीने रुग्णालयात दाखल केलं.

पालघरमधील या अपघातामुळे मनोर-विक्रमगड मार्गावर वाहतूक कोंडी झाली होती.

हा अपघात नेमका कसा झाला याबाबत अद्याप माहिती समोर आलेली नाही.

अपघातामध्ये बसचं मोठं नुकसान झालं आहे, बसचा अर्धा भाग खाक झाला आहे.

दरम्यान पोलीस प्रशासनासह खासदारांनी देखील या प्रकरणाची दखल घेतली.

पोलिसांच्या मदतीने वाहतूक कोंडी सोडवण्यात आली.