प्रबोधनकार ठाकरेंच्या पुस्तकातील उतारा वाचून दाखवला, राज ठाकरेंनी महाराष्ट्र सैनिकांना कार्यक्रम दिला, म्हणाले उद्यापासून बँकेत जा...
Raj Thackeray : महाराष्ट्र नवनिर्माण सेनेच्या कार्यकर्त्यांनी उद्यापासून बँकेत जाऊन मराठी भाषेचा वापर केला जातो हे पाहावं, असं म्हटलं.
मुंबई : महाराष्ट्र नवनिर्माण सेनेचे अध्यक्ष राज ठाकरे यांनी विविध मुद्यांवर भाष्य केलं. यावेळी राज ठाकरे यांनी महाराष्ट्र सैनिकांना एक कार्यक्रम दिला. महाराष्ट्र सैनिकांनी उद्यापासून बँकेत जाऊन तुम्ही प्रत्येक बँकेत मराठी भाषा वापरली जाते का ते पाहा असं राज ठाकरे म्हणाले.
धर्म प्रत्येकानी जोपसला पाहिजे, उंबराठ्याच्या आतून बाहेर आणला तर बुलडोजर आणा. मी म्हणालो होतो मशीदवरचे लाऊडस्पीकर बंद करा. अजूनही लाऊड स्पीकर मशीद वरचे सुरु आहेत. आता उत्तर प्रदेश मध्ये योगींनी लाऊड स्पीकर बंद केले मात्र आपल्या राज्यत सुरु आहेत,असं राज ठाकरे म्हणाले.
संतोष देशमुख प्रकरण काय मारलं हो..तुम्हाला एवढी मस्ती असेल तर मी तुम्हाला जागा दाखवतो. खंडणीचा विषय होता. आता पर्यत ऐकलं होतो राखेतून फिनिक्स पक्षी येतो. येथे बीड मध्ये राखेतून गुंड तयार होतात? आता खंडणीचा विषय होता याला जातीचा विषय केला आणि वंजाऱ्याने मराठ्याला मारलं असा दाखवलं यात कुठून आला मराठा कुठून आला वंजारी, हा पैशाचा विषय होता तुम्हाला जातीत गुंतवतंय, असं राज ठाकरे म्हणाले.
आता अजित पवार म्हणाले कर्जमाफी होणार नाही शेतकऱ्यांची ,वाटेल त्या घोषणा तुम्ही निवडणुकीच्या वेळी केल्या आणि तुम्ही भाबडेपणाने मतं दिली कशी? लाडकी बहीण योजनेला द्यायला पैसे आहेत कुठे, असा सवाल देखील त्यांनी केला. मूळ प्रश्न सगळे बाजूला पडले. तुम्ही जातीपातीचा भेद सोडून एक मराठी म्हणून एक झालं पाहिजे. इतका राजकारणचा झालेला चिखल कधीच पाहायला नाही, इतका भांबावलेला मराठी माणूस आजपर्यंत पाहायला मिळाला नाही. सगळे इंस्टाग्राम वर गुंतून पडलेत, असं राज ठाकरे म्हणाले.
फडणवीस चांगलं राज्य तुमच्या हातात आहे. मराठी माणसासाठी उभे रहा त्यांच्याकडे बघा. प्रत्येक गोष्ट फडणवीस आमची ऐकून करा, तुम्हाला आमचा पाठिंबा असेल, असं राज ठाकरे म्हणाले. येथे तुम्ही सांगता मराठी येत नाही, कानफाटातचं बसणार प्रत्येक आस्थापनेमध्ये मराठी राज्य भाषा वापरली गेलीच पाहिजे. तुम्ही उद्या बँकेत जाऊन चेक करा प्रत्येक बँकेत मराठी भाषा वापरली जाते का नाही ते बघा, असं राज ठाकरे म्हणाले.
माझ्या आजोबाने पुस्तक लिहिलं होतं उठ मराठ्या उठ हवं पुस्तक सगळ्यांनी वाचलं पाहिजे, असंही राज ठाकरे म्हणाले. गुढी पाडवा निमित्त तुम्ही एकजुटीने मराठीचा नारा देऊ आणि हिंदुत्व म्हणून समोर जाऊ,असं राज ठाकरे म्हणाले.
महत्त्वाच्या बातम्या
