रेल्वे ट्रॅकवरुन मालगाडीचे डबे घसरले, मुंबईकडे जाणारी वाहतूक विस्कळीत

Western rain decrial

मुंबईतील पश्चिम रेल्वेच्या मार्गावर पालघरजवळ रेल्वेच्या मालगाडीला अपघात झाला आहे. या मालगाडीवरुन वाहतूक करण्यात येणारे लोखंडी रोल रुळावर पडल्याचं दिसून आलं.

गुजरातहून मुंबईकडे जाणाऱ्या मालगाडीचे काही डबे पालघरजवळील मार्गावरील पलटी झाले आहेत. त्यामुळे रेल्वे मार्गावरील ट्रॅक नंबर एक आणि दोन प्रभावित झाले आहेत.

मालगाडीचे डबे पूर्वव्रत करण्याचं काम रेल्वे प्रशासनाकडून हाती घेण्यात आलं आहे. मात्र, मुंबईकडे जाणाऱ्या ट्रेन काही काळासाठी बंद होण्याची शक्यता आहे.

गुजरातहून मुंबईकडे ही मालगीड जात असताना पश्चिम रेल्वेच्या मार्गावर पालघरजनीक हा अपघात झाला आहे.

अपघातामुळे रेल्वेचं मोठं नुकसान झालं असून रेल्वे रुळाजवळील इलेक्ट्रीक पोलही आडवा झाल्याचं दिसून येत आहे.

मालगाडीतून वाहतूक करण्यात येत असलेल्या सामानाचेही नुकसान झाले असून अपघातानंतर रेल्वे स्थानकातील प्रवाशांनी तत्काळ घटनास्थळी धाव घेतली.

अपघातानंतर रेल्वेचे गार्डही घटनास्थळी धावत आले असून संबंधित रेल्वे कर्मचाऱ्यांना मालगाडी पूर्ववत करण्याच्या सूचना देण्यात आल्या आहेत.