Affordable 6-Seater Cars: कमी किंमतीत चांगली फॅमिली कार खरेदी करायचा विचार करताय? तर 'हे' 5 उत्तम पर्याय पाहाच

Affordable 6-Seater Cars: लांबच्या प्रवासाचा आनंद फक्त मोठ्या SUV किंवा MPV कारमध्येच घेता येतो. तर हॅचबॅक आणि सेडान कारमध्ये तुलनेत कमी जागा असते, त्यामुळे त्या अधिक आरामदायी मानल्या जात नाहीत.

Affordable Family Cars

मोठ्या गाड्यांमध्ये सामान ठेवण्यासाठी पुरेशी जागा असते, सोबत लेग रूम आणि हेड रूम असते. अशा परिस्थितीत, जर तुम्हाला 6 किंवा 7 सीटरची मोठी गाडी घ्यायची असेल, तर आज काही उत्तम पर्यायांबद्दल जाणून घ्या.

मारुती सुझुकी एर्टिगा (Maruti Suzuki Ertiga) : मारुतीची ही गाडी भारतातील सर्वात मोठी 7-सीटर MPV आहे. मोठ्या कुटुंबासाठी हा एक उत्तम पर्याय आहे. त्यात 7 लोक आरामात बसू शकतात.

मारुती सुझुकी एर्टिगामध्ये पेट्रोल आणि CNG दोन्हीचा पर्याय उपलब्ध आहे. ज्यामध्ये मायलेज अनुक्रमे 20.51 kmpl आणि 26.11 kmpl आहे. त्याची एक्स-शोरूम किंमत 8.64 लाख रुपये आहे.

महिंद्रा बोलेरो निओ (Mahindra Bolero Neo) : ही गाडी कंपनीच्या TUV300 चं रिबॅज केलेलं मॉडेल आहे. या गाडीत 7 लोक आरामात बसू शकतात.

महिंद्रा बोलेरो निओ या गाडीत शक्तिशाली इंधन कार्यक्षम इंजिन आहे. या कारची किंमत 9.64 लाख ते 12.15 लाख रुपये (एक्स-शोरूम) दरम्यान आहे.

टोयोटा रूमियन (Toyota Rumion) : टोयोटाची ही कार मारुती सुझुकी एर्टिगावर आधारित आहे. त्याचे लूक आणि फीचर्स जवळपास Ertiga सारखेच आहेत.

किया कारन्स (Kia Carens) : किया कंपनीची 6 सीटर कार एक उत्तम फॅमिली कार पर्याय आहे आणि बाजारात मोठ्या प्रमाणावर ही गाडी विकली जात आहे, जी आकाराने बरीच मोठी आहे.

टोयोटा रूमियनमध्ये पेट्रोल आणि सीएनजीचाही पर्याय आहे. यात 7 जण बसू शकतील एवढी जागा आहे. त्याची एक्स-शोरूम किंमत 10.29 लाख रुपये आहे.

किया कारन्स या गाडीत जास्त जागा उपलब्ध आहे, यात पेट्रोल आणि डिझेल दोन्ही इंजिनचा पर्याय आहे. या कारची एक्स-शोरूम किंमत 10.45 लाख रुपये आहे.

रेनॉल्ट ट्रायबर (Renault Triber) : ही भारतातील सर्वात स्वस्त MPV आहे, त्याची सुरुवातीची एक्स-शोरूम किंमत फक्त 6.33 लाख रुपये आहे.

रेनॉल्ट ट्रायबर या गाडीत पेट्रोल-इंजिन पर्याय उपलब्ध आहेत. ही कार मोठी असण्यासोबतच ती चांगलं मायलेज देखील देते.