Auto News : 'या' 7 नवीन सीएनजी कार यावर्षी भारतीय बाजारात लॉन्च झाल्या; तुमच्या आवडती कार कोणती?

Auto News : 2023 मध्ये सात सीएनजी कार लॉन्च करण्यात आल्या आहेत. यामध्ये टाटाच्या चार, मारुतीच्या दोन आणि टोयोटाच्या एका कारचा समावेश आहे.

Year Ender 2023

Year Ender 2023: भारतीय बाजारपेठेत कॉम्प्रेस्ड नॅचरल गॅस (CNG) वर चालणाऱ्या कारची संख्या सतत वाढत आहे. गेल्या आर्थिक वर्षात या मॉडेल्सच्या किमतीत 49 टक्के वाढ झाली असली तरी सीएनजी वाहनांच्या विक्रीत 40.7 टक्क्यांनी वाढ झाली आहे. सध्या सीएनजी वाहनांचा भारतीय ऑटोमोटिव्ह मार्केटमध्ये जवळपास 12 टक्के हिस्सा आहे. 2023 मध्ये सात सीएनजी कार लॉन्च करण्यात आल्या आहेत. यामध्ये टाटाच्या चार, मारुतीच्या दोन आणि टोयोटाच्या एका कारचा समावेश आहे.

टाटा अल्ट्रोझ सीएनजी Tata Motors मे 2023 मध्ये नवीन ट्विन-सिलेंडर CNG तंत्रज्ञानासह Altroz ​​हॅचबॅक CNG लाँच करणार आहे. सनरूफसह येणारी ही पहिली सीएनजी हॅचबॅक आहे. यात टाटाच्या सीएनजी तंत्रज्ञानासह 1.2 लीटर पेट्रोल इंजिन वापरण्यात आले आहे. जे जास्तीत जास्त 77bhp पॉवर आणि 103Nm टॉर्क जनरेट करते. त्याची एक्स-शोरूम किंमत 7.55 लाख ते 10.55 लाख रुपये आहे.

टाटा टियागो/टिगोर सीएनजी टाटा मोटर्सने टियागो हॅचबॅक आणि टिगोर कॉम्पॅक्ट सेडान नवीन ट्विन-सिलेंडर सीएनजीसह सादर केली आहे. त्याची एक्स-शोरूम किंमत अनुक्रमे 6.55 लाख ते 8.20 लाख रुपये आहे. दोन्ही CNG कार 5-स्पीड मॅन्युअल गिअरबॉक्सशी जोडलेली 1.2L, तीन-सिलेंडर पेट्रोल मोटर वापरतात.

टाटा पंच सीएनजी टाटा पंच मॉडेल लाइनअपमध्ये पाच सीएनजी प्रकारांचा समावेश आहे; प्युअर, अ‍ॅडव्हेंचर, अ‍ॅडव्हेंचर रिदम, अ‍ॅक्प्लिश्ड अँड अ‍ॅकम्प्लिश्ड डॅझल एस – ची किंमत अनुक्रमे 7.10 लाख, 7.85 लाख, 8.20 लाख, 8.85 लाख आणि 9.68 लाख रुपये, एक्स-शोरूम आहे. यात सीएनजी किटसह 1.2 लिटर, तीन-सिलेंडर पेट्रोल इंजिन आहे.

मारुती ब्रेझा सीएनजी मारुती सुझुकीची Brezza ही CNG सह येणारी भारतातील पहिली कॉम्पॅक्ट SUV आहे. मार्च 2023 मध्ये लाँच झालेल्या या मॉडेलचे चार प्रकार उपलब्ध आहेत. ज्यांच्या एक्स-शोरूम किंमती अनुक्रमे 9.24 लाख, 10.59 लाख, 11.99 लाख आणि 12.15 लाख रुपये आहेत. या कॉम्पॅक्ट SUV मध्ये 1.5L K15C ड्युअलजेट इंजिन आहे.

मारुती ग्रँड विटारा सीएनजी मारुती सुझुकी ग्रँड विटारा सीएनजी या वर्षाच्या सुरुवातीला रु. 12.85 लाख ते रु. 14.84 लाखांच्या एक्स-शोरूम किमतीत लॉन्च करण्यात आली होती, ज्याच्या डेल्टा आणि झेटा सीएनजी प्रकारांची किंमत अनुक्रमे 13.05 लाख आणि 14.86 लाख रुपये होती. या SUV मध्ये CNG किटसह 1.5L K15 पेट्रोल इंजिन वापरण्यात आले आहे.

टोयोटा अर्बन क्रूझर हायरायडर CNG टोयोटा किर्लोस्कर मोटरने जानेवारीमध्ये Hyrider CNG 13.23 लाख रुपयांच्या सुरुवातीच्या किमतीत सादर केली होती. ही कार S आणि G या दोन व्हेरिएंटमध्ये उपलब्ध आहे. हे 1.5L, 4-सिलेंडर K12C इंजिनसह सुसज्ज आहे, जे पेट्रोल मोडमध्ये 136Nm सह 103bhp आणि CNG मोडमध्ये 121.5Nm सह 88bhp आउटपुट जनरेट करते.