Madha Lok Sabha Election Result 2024 : अकलूजचं 'शिवरत्न' गुलालानं न्हाऊन निघालं; धैर्यशील मोहिते पाटलांच्या विजयानंतर जेसीबीतून गुलाल उधळून कुटुंबियांचा मोठा जल्लोष

Madha Lok Sabha Election Result 2024 : माढ्यात महाविकास आघाडीचे उमेदवार धैर्यशील मोहिते पाटील यांचा 622213 मतांनी विजय झाला आहे.

Madha Lok Sabha Election Result 2024

लोकसभा निवडणुकीचा निकाल नुकताच हाती लागला आहे. या निवडणुकीत अनेक ठिकाणी महाविकास आघाडीचे उमेदवार आघाडीवर असल्याचं चित्र पाहायला मिळत आहे.

या निवडणुकीत माढा मतदारसंघातील राष्ट्रवादी शरद पवार गटाचे धैर्यशील मोहिते-पाटील यांचा भरघोस मतांनी विजय झाला आहे.

भाजपचे उमेदवार रणजीतसिंह नाईक-निंबाळकर यांचा धैर्यशील मोहिते-पाटील यांनी पराभव केला आहे.

धैर्यशील मोहिते पाटील यांना 622213 मतं मिळाली आहेत. तर रणजीतसिंह नाईक-निंबाळकर यांच्यापेक्षा 120837 मतांनी ते आघाडीवर होते.

दरम्यान, माढा मतदारसंघातून महाविकास आघाडीचे धैर्यशील मोहिते पाटील भरघोस मतांनी विजयी झाल्यामुळे कार्यकर्त्यांचा उत्साह गगनात मावेनासा झाला आहे.

माढ्यातील त्यांच्या घरासमोर कार्यकर्त्यांनी गुलाल उडवून विजयाचा जल्लोष साजरा केला आहे.

या ठिकाणी धैर्यशील मोहिते पाटील यांच्या कुटुंबियांनी जेसीबीमधून गुलाल उडवून विजयाचा आनंद साजरा केला आहे.

या ठिकाणी पुरुषांबरोबरच महिलांचा उत्साहदेखील पाहण्यासारखा आहे.

एकूणच महाविकास आघाडीचा आणखी एक उमेदवार निवडून आल्याने माढ्यात प्रचंड, जल्लोष आणि उत्साहाचं वातावरण पाहायला मिळालं.