Shani Transit 2025:  29 मार्च तारीख चमत्कारिक! 7 ग्रहांचा भव्य महासंयोग! 12 राशींवर काय परिणाम होणार? कोणाचं भाग्य उजळणार?

Shani Transit 2025: ज्योतिषशास्त्रानुसार, 29 मार्च 2025 रोजी शनीचे संक्रमण आणि तब्बल 7 ग्रहांच्या भव्य महायुतीमुळे सप्तग्रही योग तयार होतोय. याचा सर्व 12 राशींवर काय परिणाम होईल?

Shani Transit 2025 astrology marathi news grand conjunction of 7 planets on 29 march 2025 know the impact on the 12 zodiac signs

Source : google

Shani Transit 2025: हिंदू धर्म आणि ज्योतिषशास्त्रानुसार, शनिदेव हे न्यायाचे देवता मानले जातात, जे मानवाला आपल्या कर्माचे फळ देतात. शनि जेव्हा कोणत्याही राशीत प्रवेश करतो तेव्हा त्या राशीच्या लोकांना त्यांच्या कर्मानुसार चांगले किंवा वाईट फळ मिळते. ज्योतिषशास्त्रानुसार 2025 हे वर्ष अनेकांसाठी गेमचेंजर ठरणार असून शनिचं मोठं संक्रमण मार्च महिन्यात होणार आहे. 29 मार्च या दिवशी तब्ब्ल अडीच वर्षानंतर शनीची राशी बदलतेय. 29 मार्च रोजी रात्री 11:01 वाजता शनी मीन राशीत प्रवेश करेल. शनिने मीन राशीत प्रवेश केल्यानंतर, तेथे असलेल्या 6 ग्रहांशी त्याची भेट होईल. ज्यानंतर मोठा महासंयोग तयार होईल, या 7 ग्रहांच्या संयोगाचा सर्व 12 राशींवर काय परिणाम होईल? जाणून घ्या..

मीन राशीत 7 ग्रहांचा भव्य संयोग अन् महायुती..

वैदिक ज्योतिषशास्त्रानुसार, मार्च महिन्यात 'हे' 7 ग्रह मीन राशीत सप्तग्रही योग तयार करतील:

- 28 जानेवारी 2025 पासून शुक्र ग्रह मीन राशीत आहे.
- बुध ग्रह 27 फेब्रुवारी 2025 पासून मीन राशीत प्रवेश करत आहे.
- सूर्य देखील 14 मार्च 2025 पासून राशीमध्ये आहे.
- राहू आणि नेपच्यून 2023 पासून मीन राशीत आहेत.
- शुक्रवार 28 मार्च 2025 रोजी चंद्र मीन राशीत प्रवेश करेल.
- त्याच वेळी, 29 मार्च 2025 रोजी रात्री 11:01 वाजता शनि या राशीत प्रवेश करेल तेव्हा सप्तग्रही योग तयार होईल.

मीन राशीतील सप्तग्रही योगाचा 12 राशींचा प्रभाव

29 मार्च 2027 रोजी मीन राशीत तयार होणारा सप्तग्रही योग सर्व 12 राशींवर वेगवेगळ्या प्रकारे प्रभाव पाडणार आहे. ग्रहांचा उत्तम संगम आर्थिक, सामाजिक आणि कौटुंबिक जीवनात बदल घडवून आणेल. तसेच, हा योग विशेषत: अध्यात्म, बौद्धिकता आणि दृढनिश्चय शक्ती जागृत करणारा सिद्ध होऊ शकतो, कारण ही महायुती बृहस्पतिच्या मालकीच्या ‘मीन’ राशीमध्ये तयार होत आहे. जाणून घेऊया, या महान संयोगाचा प्रत्येक राशीवर काय परिणाम होईल?

मेष

मेष राशीच्या लोकांसाठी हा काळ आर्थिक बाबतीत बदलाचा असू शकतो. तुमच्यासाठी नवीन क्षेत्रात प्रयत्न करण्याची ही वेळ आहे. तुमची संपत्ती वाढणार असली तरी, विशेषत: नातेसंबंधांमध्ये तुम्हाला आत्मसंयम राखावा लागेल. अविवाहित लोकांचे लग्न होण्याची शक्यता आहे.

वृषभ

वृषभ राशीसाठी, विशेषत: व्यावसायिक जीवनात हा महत्त्वपूर्ण बदलाचा काळ आहे. कामाच्या ठिकाणी तुमच्यासाठी यशाचे नवीन मार्ग खुले होऊ शकतात. व्यवसायात गुंतलेले लोक लाभ मिळवण्याच्या स्थितीत असतील, परंतु खूप मेहनत केल्यानंतर. यासोबतच भागीदारांमध्ये सुसंवाद राखणे आवश्यक असेल. कौटुंबिक आणि नातेसंबंधात मजबूती वाढेल.

मिथुन

मिथुन राशीच्या लोकांसाठी शैक्षणिक आणि बौद्धिक क्षेत्रात प्रगतीचा काळ आहे. तुमची विचारसरणी सखोल होईल आणि तुम्ही गोष्टींना नवीन दृष्टीकोनातून पाहू शकाल. व्यवसायात नवीन सुरुवात केल्यामुळे उत्पन्नात सकारात्मक वाढ होण्याची शक्यता आहे. मानसिक शांती आणि आध्यात्मिक जागरुकता वाढेल.

कर्क 

कर्क राशीच्या लोकांना या काळात आर्थिक लाभ आणि करिअरमध्ये स्थिरता मिळू शकते. गुंतवणूक आणि आर्थिक योजना मजबूत करण्यासाठी हा काळ अनुकूल आहे. काही नवीन कामात यश मिळण्याचीही शक्यता आहे. कौटुंबिक जीवनातही संतुलन राखावे लागेल.

सिंह 

सिंह राशीसाठी, वैयक्तिक संबंध सुधारण्याची आणि आत्मविश्वास वाढवण्याची ही वेळ आहे. तथापि, कोणताही नवीन निर्णय घेण्यापूर्वी तुम्हाला तुमच्या भावना आणि मानसिक स्थितीचे मूल्यांकन करावे लागेल. उद्योगपतींना राजकारणातून साथ मिळू शकते. तुमचा दर्जा वाढेल.

कन्या 

कन्या राशीच्या लोकांसाठी, आरोग्य आणि वैयक्तिक जीवनात सुधारणा करण्याचा हा काळ आहे. तुमच्या करिअरला नवी दिशा मिळू शकते. एखाद्या प्रकल्पात चांगले काम करण्याची संधी मिळेल. परदेश व्यापाराशी संबंधित लोक लाभाच्या स्थितीत राहतील. नातेसंबंधांमध्ये सुसंवाद आणि शांतता राखणे महत्वाचे आहे.

तूळ

तूळ राशीच्या लोकांची आर्थिक स्थिती मजबूत करण्याचा हा काळ आहे. तुमचे प्रयत्न यशस्वी होतील, नवीन स्त्रोतांकडून आर्थिक उत्पन्न वाढू शकते. याव्यतिरिक्त, तुमचे नातेसंबंध देखील सुधारू शकतात, विशेषत: प्रेम आणि रोमान्सच्या बाबतीत. नवीन योजनांवर काम करण्याची आणि त्यांची अंमलबजावणी करण्याची हीच वेळ आहे.

वृश्चिक

वृश्चिक राशीच्या लोकांसाठी, कौटुंबिक संबंध सुधारण्याची आणि त्यांच्या करिअरमध्ये नवीन उंची गाठण्याची ही वेळ आहे. तुमचे मनोबल आणि आत्मविश्वास वाढवा. गुंतवणुकीतून तुम्हाला प्रचंड नफा मिळेल, ज्यामुळे तुमचे नशीब बदलू शकते. यावेळी, तुम्हाला तुमची कल्पना सामायिक करताना थोडी काळजी घ्यावी लागेल.

धनु

धनु राशीसाठी हा काळ शिक्षण आणि ज्ञानाच्या क्षेत्रात विकासाचा आहे. तुम्ही काही नवीन दिशेने प्रयत्न करण्याचे ठरवू शकता. करिअर आणि सामाजिक प्रतिष्ठा देखील सुधारेल. नोकरदारांना त्यांच्या इच्छेनुसार वेतनवाढ मिळू शकते. मानसिक शांतता आणि संतुलन राखणे आवश्यक आहे.

मकर

मकर राशीच्या लोकांसाठी आर्थिक स्थिती सुधारण्याची वेळ आली आहे. गुंतवणूक आणि आर्थिक योजनांबाबत काही मोठे निर्णय घेता येतील. व्यवसायाचा विस्तार होण्याची शक्यता. कौटुंबिक जीवनात संतुलन राहील. वैवाहिक जीवनात रोमान्सचा उत्साह वाढू शकतो.

कुंभ

कुंभ राशीसाठी हा काळ वैयक्तिक आणि व्यावसायिक जीवनात बदल घडवून आणणारा आहे. नातेसंबंध सुधारतील आणि तुमचा आत्मविश्वास वाढेल. तुमची ध्येये स्पष्टपणे ठरवण्याची आणि ती साध्य करण्याची हीच वेळ आहे. व्यवसाय आणि अभ्यासासाठी परदेशात जाण्याची संधी मिळेल.

मीन

मीन राशीसाठी हा काळ अत्यंत फलदायी आहे. तुमच्या जीवनात अनेक सकारात्मक बदल होतील आणि तुम्ही तुमचे अपेक्षित यश मिळवू शकाल. परदेशात शिक्षण घेऊ इच्छिणाऱ्यांची इच्छा पूर्ण होऊ शकते. यावेळी तुम्हाला तुमच्या भावना आणि मानसिक स्थितीकडे लक्ष द्यावे लागेल.

हेही वाचा>>

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)