Women Health: महिलांनो सावधान! थायरॉईडचं प्रमाण वाढतंय? स्वामी रामदेवांनी सांगितली कारणं, लक्षणं, अनेकांना माहीत नाहीत...

Women Health: थायरॉईड हा एक गंभीर आजार आहे, त्याची अनेक कारणे आहेत. थायरॉईडचे रुग्ण वाढण्यामागील कारण काय आहे आणि ते रोखण्यासाठी काय केले पाहिजे हे स्वामी रामदेव यांच्याकडून जाणून घेऊया.

Women Health lifestyle marathi news Women be careful thyroid level increasing Swami Ramdev told the reasons symptoms

Source : google

Women Health: आजकालच्या बदलत्या जीवनशैलीमुळे अनेकांना विविध आजारांनी ग्रासलंय. आपण पाहतो आजकाल महिला करिअर आणि कौटुंबिक जबाबदाऱ्यासह अनेक एकत्रित जबाबदाऱ्या सांभाळत असल्याने त्यांना विविध मानसिक आणि शारिरीक आजारांना सामोरे जावे लागते. थायरॉईड हा असा एक आजार आहे. जो महिलांमध्ये मोठ्या प्रमाणात आढळून येतो.  या आजाराबद्दल स्वामी रामदेव काय म्हणतात आणि त्याची कारणे काय आहेत. जाणून घेऊया..

थायरॉईडची समस्या वाढू लागलीय...

थायरॉईड ग्रंथी हा शरीरातील एक महत्त्वाचा अवयव आहे, जो चयापचय आणि हार्मोनल संतुलन नियंत्रित करण्यासाठी काम करतो. जेव्हा आपल्या शरीरातील थायरॉईड ग्रंथीचे प्रमाण वाढते किंवा कमी होते तेव्हा त्यामुळे हायपोथायरॉईडीझम आणि हायपरथायरॉईडीझम सारख्या थायरॉईड समस्या उद्भवू शकतात. स्वामी रामदेव म्हणतात की त्यांच्या मते आधुनिक जीवनशैली, तणाव, खाण्याच्या चुकीच्या सवयी आणि अनियमित दैनंदिन दिनचर्या यांमुळे थायरॉईडची समस्या वाढू लागली आहे. 

थायरॉईडचे प्रकार

हायपरथायरॉईडीझम
हायपोथायरॉईडीझम
थायरॉईड समस्या उद्भवते जेव्हा ग्रंथी सामान्यपेक्षा जास्त (हायपरथायरॉईडीझम) किंवा कमी (हायपोथायरॉईडीझम) हार्मोन्स तयार करते, ज्यामुळे शरीरात विविध लक्षणे आणि समस्या उद्भवू शकतात.

वजन वाढणे किंवा कमी होणे: कोणत्याही कारणाशिवाय जलद वजन वाढणे किंवा कमी होणे.
थकवा: दिवसभर थकवा किंवा अशक्तपणा जाणवणे.
केस गळणे: केस झपाट्याने गळणे किंवा पातळ होणे.
कोरडी त्वचा: त्वचा कोरडी आणि निर्जीव होते.
मूड बदलणे: चिडचिड, उदास किंवा जास्त चिंताग्रस्त वाटणे.
हात आणि पाय सुजणे: विशेषतः पाय आणि चेहरा सूज.
थंड किंवा गरम वाटणे: नेहमीपेक्षा जास्त थंड किंवा गरम वाटणे.
झोपेच्या समस्या: निद्रानाश किंवा झोपेची कमतरता.
हृदय गती मध्ये बदल: हृदयाचे ठोके जलद किंवा मंद होऊ शकतात.
घशात सूज येणे: घशाच्या पुढील भागात सूज किंवा गाठ.

काय आहे स्वामी रामदेव यांचे मत?

स्वामी रामदेव थायरॉईडबद्दल सांगतात की, आजकाल हा आजारही खूप वाढला आहे. हा आजार होण्यामागे जीवनशैलीच्या काही सवयींचा समावेश आहे. याची काही कारणे पुढीलप्रमाणे:-

• थायरॉईड वाढण्यामागील पहिले कारण म्हणजे रेफ्रिजरेटरमध्ये ठेवलेले अन्न सतत खाणे.
• खूप थंड अन्न खाल्ल्यासारखे गरम अन्न खाल्ल्यानेही थायरॉईड होऊ शकतो, असे स्वामी रामदेव सांगतात.
• बाहेरचे अन्न म्हणजेच जंक फूड खाण्यानेही थायरॉईडचे प्रमाण वाढत आहे.
• शिळे अन्न खाल्ल्याने थायरॉईडचा धोकाही वाढतो.
• तणावामुळे थायरॉईड देखील होतो.

 

प्रतिबंधात्मक उपाय काय?

• स्वामी रामदेव म्हणतात की, थायरॉईडच्या रुग्णांनी कोथिंबिरीचे पाणी प्यावे, त्यांना आराम मिळेल.
• रोज कपालभाती करावी.
• सिंहासन, सर्वांगासन आणि हलासन करावे.
• थायरॉईड रुग्णांनी आपले शरीर सक्रिय ठेवावे.
• पेरूची पाने पाण्यात उकळा आणि त्या पाण्याने स्वच्छ धुवा.
• अंबाडीच्या बियांचे सेवन करा.
• हिरव्या कोथिंबीरीची चटणी खावी.
• कोरफड आणि तुळशीच्या पानांचा रस प्या.

थायरॉईडची सुरुवातीची लक्षणं

• हात थरथरणे.
• केस गळणे.
• चिडचिड.
• स्नायूंमध्ये वेदना.
• थकवा आणि अशक्तपणा जाणवतो.
• झोप न येण्याची समस्या. 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )