Income Tax Calculator : नव्या टॅक्स रिजीममध्ये 10 ते 50 लाखांदरम्यान उत्पन्न, 2025-26 मध्ये किती प्राप्तिकर भरावा लागेल? 

Union Budget 2025-26 Income Tax Calculator : केंद्रीय अर्थमंत्री निर्मला सीतारामन आज अर्थसंकल्प सादर केला आहे. यामध्ये नव्या कररचनेत फेरबदल करण्यात आले आहेत.

निर्मला सीतारामन

Source : एबीपी माझा ग्राफिक्स टीम

Income Tax Calculator Budget 2025 नवी दिल्ली : केंद्रीय अर्थमंत्री निर्मला सीतारामन (Nirmala Sitharaman)  यांनी केंद्रीय अर्थसंकल्प मांडला आहे. निर्मला सीतारामन यांनी अर्थसंकल्प सादर करताना 12 लाख रुपयांपर्यंचं उत्पन्न नव्या कररचनेमध्ये मुक्त करत असल्याची घोषणा केली. त्यामुळं मध्यमवर्गाला मोठा दिलासा मिळाला आहे.   सध्या प्राप्तिकरदात्यांना दोन पर्यांयांपैकी एका पर्यायाची निवड करावी लागते. न्यू टॅक्स रिजीमकडे जवळपास 72 टक्के करदाते वळले आहेत. तर, ओल्ड टॅक्स रिजीममध्ये 28 टक्के प्राप्तिकरदाते आहेत. एखाद्या व्यक्तीचं उत्पन्न 10 लाखांपेक्षा अधिक असल्यास किती कर द्यावा लागेल हे जाणून घेणार आहोत. 

केंद्रीय अर्थमंत्री निर्मला सीतारामन यांनी नव्या कररचनेत बदल करण्याची घोषणा केली. 2024-25 च्या अर्थसंकल्पात नवीन करचनेत 0 ते 3  लाख रुपये करमुक्त होती. 2025-26 च्या अर्थसंकल्पात 0 ते 4 लाख रुपयांच्या स्लॅबमध्ये कर आकारला जाणार नाही.  आपण नव्या कररचनेत 10 लाख रुपये ते 50 लाख रुपयांपर्यंत एखाद्या व्यक्तीचं उत्पन्न असल्यास त्याला किती कर द्यावा लागेल हे जाणून घेणार आहोत. 

कोणत्या उत्पन्न गटाला किती टॅक्स?https://t.co/9yBWz97eUx#Budget2025 #UnionBudget2025#BudgetOnABPMajha #अर्थबजेटचा #BudgetOnABP pic.twitter.com/ZOcGqzDKqu

— ABP माझा (@abpmajhatv) February 1, 2025

अर्थसंकल्पात जाहीर केलेल्या बदलानुसार नव्या कररचनेची निवड केल्यानंतर एखाद्या व्यक्तीचं पगाराचं उत्पन्न 10 लाख रुपये असल्यास त्याला कर द्यावा लागणार नाही. 

एखाद्या व्यक्तीचं पगाराचं उत्पन्न 20 लाख रुपये असल्यास पगारादारांसाठी स्टँडर्ड डिडक्शन 75000 वजा केल्यास करपात्र उत्पन्न 1925000 इतकं राहतं. अशा प्रकरणात इन्कम टॅक्स स्लॅब 16 लाख ते 20 लाख या दरम्यानचा लागू होतो. त्याला कर 185000 रुपये आणि  शिक्षण आणि आरोग्य सेसची रक्कम 7400 एकूण 192400 रुपये प्राप्तिकर भरावा लागेल. 

एखाद्या व्यक्तीचं पगाराचं उत्पन्न 30 लाख रुपये असल्यास पगारादारांसाठी स्टँडर्ड डिडक्शन 75000 वजा केल्यास करपात्र उत्पन्न 2925000 इतकं राहतं. अशा प्रकरणात इन्कम टॅक्स स्लॅब 24 लाख रुपयांपेक्षा अधिक असणारा लागू होईल. या स्लॅबमध्ये 30 टक्के कर भरावा लागेल. निव्वळ कर 4,57,500  शिक्षण आणि आरोग्य सेस 18,300 सह एकूण 475800 रुपये प्राप्तिकर भरावा लागेल. 

एखाद्या व्यक्तीचं पगाराचं उत्पन्न 40 लाख रुपये असल्यास पगारादारांसाठी स्टँडर्ड डिडक्शन 75000 वजा केल्यास करपात्र उत्पन्न 3925000 इतकं राहतं. अशा प्रकरणात इन्कम टॅक्स स्लॅब 24 लाखांपेक्षा अधिक उत्पन्न असणारा लागू होतो. यामध्ये 30 टक्के कर भरावा लागेल. निव्वळ कर  7,57,500 सेस शिक्षण आणि आरोग्य सेसची रक्कम 30,300 रुपये म्हणजेच एकूण 7,87,800 रुपये प्राप्तिकर भरावा लागेल. 

एखाद्या व्यक्तीचं पगाराचं उत्पन्न 50 लाख रुपये असल्यास पगारादारांसाठी स्टँडर्ड डिडक्शन 75000 वजा केल्यास करपात्र उत्पन्न 4925000 इतकं राहतं. अशा प्रकरणात इन्कम टॅक्स स्लॅब 24 लाखांपेक्षा अधिक उत्पन्न असणारा लागू होतो. यामध्ये 30 टक्के कर भरावा लागेल. निव्वळ 10,57,500 रुपये  शिक्षण आणि आरोग्य सेस 42,300 रुपये मिळून एकूण 10,99,800 रुपये प्राप्तिकर भरावा लागेल. 

इतर बातम्या :