Sharad Pawar NCP : बीड जिल्ह्यात राजकीय गुन्हेगारी वाढलेली असताना शरद पवारांच्या राष्ट्रवादीचा मोठा निर्णय

Sharad Pawar NCP : बीड जिल्ह्यात राजकीय गुन्हेगारी वाढलेली असताना शरद पवारांच्या राष्ट्रवादीचा मोठा निर्णय

Photo Credit - abp majha reporter

गेल्या सहा महिन्यांपासून बीड जिल्ह्यात मोठ्या प्रमाणात राजकीय गुन्हेगारी वाढल्याचं चित्र आहे.

मस्साजोगचे सरपंच संतोष देशमुख, सरपंच बापू आंधळे आणि महादेव मुंडे यांच्या हत्या झाल्यानंतर राज्याचं राजकारण तापलेलं पाहायला मिळालं.

दरम्यान, संतोष देशमुख हत्या प्रकरणात आणि खंडणी प्रकरणात अजित पवारांच्या राष्ट्रवादीतील काही नेत्यांची चौकशी झाल्याचंही समोर आलं होतं.

दरम्यान, या सर्व पार्श्वभूमीवर आणि बीड जिल्ह्यात राजकीय गुन्हेगारी वाढलेली असताना शरद पवारांच्या राष्ट्रवादीचा मोठा निर्णय घेतलाय.

बीड जिल्ह्यातील राष्ट्रवादी शरदचंद्र पवार गटाची कार्यकारणी बरखास्त करण्यात आलीये.

राष्ट्रवादी काँग्रेस भवन कार्यालयात चार तास बैठक पार पडली.

या बैठकीला खासदार बजरंग सोनवणे, आमदार संदीप क्षीरसागर, जिल्हाध्यक्ष राजेंद्र मस्के इत्यादी नेते उपस्थिती होते

स्थानिक स्वराज्य संस्थांच्या निवडणुकीच्या पार्श्वभूमीवर झालेल्या बैठकीत हा निर्णय घेण्यात आलाय.

महिनाभरात नवीन कार्यकारणी कार्यरत होणार असल्याची माहिती जिल्हाध्यक्ष राजेंद्र मस्के यांनी माहिती दिलीये.