Chandra Grahan 2025 : मार्च महिन्यात 'या' दिवशी लागणार वर्षातलं पहिलं चंद्र ग्रहण; भारतात दिसणार की नाही? वाचा ज्योतिषशास्त्र

Chandra Grahan 2025 : ज्योतिष शास्त्रानुसार, 2025 वर्षातलं पहिलं ग्रहण मार्च महिन्यात होळीच्या दिवशी लागणार आहे. पण, हे ग्रहण भारतात दिसेल की नाही? भारतात सूतक काळ असेल? याच संदर्भात जाणून घेऊयात.

Chandra Grahan 2025

वैदिक ज्योतिष शास्त्रानुसार, प्रत्येक वर्षी सूर्य आणि चंद्रग्रहण लागते. धार्मिक दृष्टीकोनातून पाहिल्यास ग्रहण दिसणं अशुभतेचं लक्षण आहे. याच कारणामुळे हिंदू धर्मात ग्रहणाच्या काळात सूतकाच्या नियमांचं पालन केलं जातं.

वर्षातील पहिलं चंद्र ग्रहण मार्च 2025 रोजी लागणार आहे. 14 मार्च रोजी फाल्गुन पौर्णिमेच्या दिवशी होळीला वर्षातलं पहिलं चंद्र ग्रहण लागणार आहे.

14 मार्च रोजी सकाळी 9 वाजून 29 मिनिटांनी ग्रहणाची सुरुवात होणार असून दुपारी 3 वाजून 29 मिनिटांनी ग्रहण संपणार आहे. भारतीय वेळेनुसार, हे चंद्रग्रहण दिवसा दिसणार आहे. मात्र, भारतात हे ग्रहण दिसणार नाही.

माहितीसाठी, ज्या देशात ग्रहण दिसतं त्या ठिकाणी सूतक काळ लागू होतो.मात्र, भारतात हे ग्रहण दिसत नसल्या कारणाने भारतात चंद्रग्रहणाचा सूतक काळ लागू होणार नाही.

सूतक काळ नसल्या कारणाने होळीच्या दिवशी चंद्र ग्रहणाता प्रभाव नसेल. त्यामुळे 14 मार्च रोजी तुम्ही होळी खेळू शकतात. पूजा पठण करु शकता.

मात्र, ज्योतिष शास्त्रानुसार, ग्रहण शब्दाचा अर्थ नकारात्मक होतो. त्यामुळे या काळात धार्मिक कार्यात चंद्र ग्रहणाचा प्रभाव पडत नसला तरी मात्र सर्व राशींवर याचा नकारात्मक प्रभाव पडतो.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)