Nagpur Violence : सतीश भोसले उर्फ खोक्याला 14 दिवसांची न्यायालयीन कोठडी
Maharashtra Live blog Updates: राज्यातील ताज्या घडामोडी, बातम्या आणि घटनांचे लाईव्ह अपडेट्स पाहण्यासाठी क्लिक करा. राज्यात नेमकं काय सुरु आहे, जाणून घ्या एका क्लिकवर.
LIVE
Background
सतीश भोसले उर्फ खोक्याला 14 दिवसांची न्यायालयीन कोठडी
सतीश भोसले उर्फ खोक्याला 14 दिवसांची न्यायालयीन कोठडी
एका व्यक्तीला क्रिकेटच्या बॅटने मारहाण केल्या प्रकरणात खोक्या चकलांबा पोलिसांच्या ताब्यात होता
दोन दिवसांच्या पोलीस कोठडीनंतर आज त्याला शिरूर न्यायालयात हजर करण्यात आले होते
यादरम्यान शिरूर न्यायालयाने त्याला 14 दिवसांची न्यायालयीन कोठडी सुनावली आहे
त्यामुळे खोक्याचा पुढील 14 दिवसांचा मुक्काम न्यायालयीन कोठडीत असणार आहे
कौटुंबिक वाद मिटवायला आले आणि एकमेकांवर हल्ला चढवला!
उल्हासनगर : येथे शिवसेना उद्धव ठाकरे गटाच्या शाखेत कौटुंबिक वाद मिटवण्यासाठी आलेल्या दाम्पत्याने एकमेकांवर हल्ला केल्याची घटना घडली आहे. हल्ल्याची ही घटना सीसीटीव्हीत कैद झाली असून सासरच्यांच्या हल्ल्यात जावई गंभीर जखमी झाला आहे. वैभव देवधर आणि प्राची हे पती-पत्नी असून कौटुंबिक वादामुळे ते विभक्त राहतात. त्यांच्यातले वाद मिटवण्यासाठी कुटुंबीयांनी उल्हासनगरचे शिवसेना उद्धव ठाकरे गटाचे जिल्हाप्रमुख धनंजय बोडारे यांच्या शाखेत एकमेकांना बोलावलं होतं. मात्र यावेळी पती-पत्नीत वाद होऊन शिवसेनेच्या शाखेबाहेरच हाणामारी झाली. यावेळी प्राचीच्या भावाने बहिणीच्या पतीवर तीक्ष्ण हत्याराने वार केले, या घटनेत प्राचीचा पती वैभव हा गंभीर जखमी झाला असून त्याच्यावर रुग्णालयात उपचार सुरू आहेत. याप्रकरणी विठ्ठलवाडी पोलीस ठाण्यात गुन्हा दाखल करण्यात आला असून पोलीस आरोपींचा शोध घेत आहेत.
कॉमेडियन कुणाल कामराविरोधात नाशिकमध्ये शिवसेना शिंदे गटाचे आंदोलन
नाशिक : उपमुख्यमंत्री एकनाथ शिंदे यांच्यावर ठाणे की रिक्षा या गाण्यातून टीका करणाऱ्या कॉमेडियन कुणाल कामरामुळे नवा वाद आता निर्माण झाला आहे. कुणाल कामराने त्याच्या गाण्यातून एकनाथ शिंदे यांच्यावर विडंबनात्मक गाणं म्हटले. त्यामुळे शिवसैनिकांमध्ये रोष पाहायला मिळत आहे. नाशिकच्या मुंबई नाका परिसरामध्ये शिवसैनिकांनी कुणाल कामराच्या पोस्टरवर लाथा मारत जोरदार घोषणाबाजी करत रोष व्यक्त केला आहे. मुंबई नाका पोलीस ठाण्यात निवेदन देऊन कुणाल कामराच्या विरोधात गुन्हा दाखल करावा, अशी मागणी देखील शिवसैनिकांनी केली.
उद्धव ठाकरे आणि छगन भुजबळ यांची विधानभवनात भेट
उद्धव ठाकरे आणि छगन भुजबळ यांची विधानभवनात भेट
यावेळी छगन भुजबळ यांनी उद्धव ठाकरे यांना जय महाराष्ट्र केलं
उद्धव ठाकरे - तुम्ही जय महाराष्ट्र चुकीच्या जागेवर उभं राहून बोलताय
उद्धव ठाकरे यांचं छगन भुजबळ यांना उद्देशून वक्तव्य
नागपूर हिंसाचार प्रकरणात राज्यसरकारच्या बेधडक कारवाई सुरुवात
नागपूर हिंसाचार प्रकरणात राज्यसरकारच्या बेधडक कारवाई सुरुवात
नागपूर महानगर पालिकेच्या अतिक्रमण पथकाकडून ऍक्शन मोड मध्ये ..
फहीम खान व युसुफ शेख या दोन आरोपीच्या घरावर अतिक्रमणाची कारवाई केली गेली तर शाहीन अमीन या आरोपीचे दोन दुकाने सिल करण्यात आली ..
संजय बाग कॉलनीतील फहीम खानचे घर नागपूर महानगर पालिकेच्या पथकाने जमीनदोस्त केले
त्यानंतर नागपूर हिंसाचारात आरोपी युसुफ शेख यांचे नागपूरच्या महाल भागातील जोहरीपूर येथे घर त्यावर पालिकेचा हातोडा पडला आहे
युसूफ शेख घरात खाली पार्किंग मध्ये एक रुम अनधिकृत आहे सोबतच अधिकृत नकाशा व्यतिरिक्त पहिल्या व दुसऱ्या माळ्यावरील बालकनी चे बांधकाम करण्यात आले होते ते नागपूर महानगर पालिकेच्या पथकाने तोडले आहे
गणेशपेठ पोलीस ठाण्याच्या FIR मध्ये युसूफ शेख चे नाव हे 48 नंबर आहे तर फहीम खान मुख्य आरोपी पैकी एक आहे
महत्त्वाच्या बातम्या
ट्रेंडिंग न्यूज
