![ABP Premium](https://cdn.abplive.com/imagebank/Premium-ad-Icon.png)
Israeli Airstrikes on Gaza : इस्रायली लष्कराच्या गाझातील सयुक्त राष्ट्राच्या शाळेवर एअर स्ट्राईक; 57 जणांचा अंत, आतापर्यंत 38 हजार पॅलेस्टिनींचा मृत्यू
Israeli Airstrikes on Gaza : न्यूज एजन्सी एपीने दिलेल्या माहितीनुसार, ही शाळा संयुक्त राष्ट्रांची होती, ज्यामध्ये निर्वासितांना ठेवण्यात आले होते. पंधरा दिवसांतील हा तिसरा हल्ला आहे.
![Israeli Airstrikes on Gaza : इस्रायली लष्कराच्या गाझातील सयुक्त राष्ट्राच्या शाळेवर एअर स्ट्राईक; 57 जणांचा अंत, आतापर्यंत 38 हजार पॅलेस्टिनींचा मृत्यू Israeli airstrikes killed more than 60 Palestinians in southern and central Gaza overnight Israeli Airstrikes on Gaza : इस्रायली लष्कराच्या गाझातील सयुक्त राष्ट्राच्या शाळेवर एअर स्ट्राईक; 57 जणांचा अंत, आतापर्यंत 38 हजार पॅलेस्टिनींचा मृत्यू](https://feeds.abplive.com/onecms/images/uploaded-images/2024/07/17/5bce8718a6b8cf2eab99d24ba71517661721191405580736_original.jpg?impolicy=abp_cdn&imwidth=1200&height=675)
Israeli Airstrikes on Gaza : इस्रायली लष्कराने मंगळवारी गाझा येथील एका शाळेवर हवाई हल्ला केला. ज्यामध्ये 57 जणांचा मृत्यू झाला असून 73 हून अधिक लोक जखमी झाले आहेत. न्यूज एजन्सी एपीने दिलेल्या माहितीनुसार, ही शाळा संयुक्त राष्ट्रांची होती, ज्यामध्ये निर्वासितांना ठेवण्यात आले होते. पंधरा दिवसांतील हा तिसरा हल्ला आहे. गाझा येथील खान युनिस येथील नासेर रुग्णालय जखमींनी भरले आहे. गेल्या आठवड्यातच इस्रायली सैन्याने पॅलेस्टिनींना खान युनूसला सोडण्याचे आदेश दिले होते. यानंतर तेथील तीन मोठी रुग्णालये बंद करावी लागली. संयुक्त राष्ट्राने (UN) याला धोकादायक पाऊल म्हटले आहे. खान युनिसमधून लोकांना बाहेर काढण्यासाठी आणखी वेळ द्यावा, असेही म्हटले आहे. या काळात इस्रायलने निर्वासितांवर हल्ले करू नयेत. इस्रायली लष्कराने 6 जून रोजी गाझामधील शाळांवर तीन हल्ले केल्याची माहिती दिली.
इस्रायली सैन्याने आधी शाळेला घेराव घातला आणि नंतर हल्ला
आठवडाभरापूर्वी इस्रायली सैन्याने संयुक्त राष्ट्रांच्या शाळेवर हवाई हल्ला केला होता. इस्रायली सैन्याने 6 जुलै रोजी गाझामधील एका शाळेवर हवाई हल्ला केल्याचे सांगितले. 16 जणांचा मृत्यू झाला असून 75 हून अधिक जण जखमी झाले आहेत. अल जझीराच्या वृत्तानुसार, ही शाळा संयुक्त राष्ट्रांची (UN) होती, जिथे निर्वासितांना ठेवले जात होते.
स्थानिक लोकांच्या म्हणण्यानुसार, इस्रायली सैन्याने आधी शाळेला घेराव घातला आणि नंतर हल्ला केला. इस्रायलच्या हल्ल्यामुळे शाळेची इमारत कोसळली, त्यात राहणारी मुलं गाडली गेली. वाचलेल्या दोन मुलांपैकी एका मुलीच्या हाताला गंभीर दुखापत झाली आहे. दुसऱ्या मुलाच्या चेहऱ्यावर आणि डोक्यावर अनेक जखमांच्या खुणा होत्या. यूएनच्या बचाव पथकाने दिलेल्या माहितीनुसार, गेल्या महिन्यातही इस्रायली लष्कराने एका शाळेला लक्ष्य केले होते.
या युद्धात 38 हजार पॅलेस्टिनी मरण पावले
इस्रायल आणि हमास यांच्यात गेल्या 9 महिन्यांपासून युद्ध सुरू आहे. यामध्ये आतापर्यंत 38 हजार पॅलेस्टिनींचा मृत्यू झाला असून त्यात 14,500 मुलांचा समावेश आहे. त्याच वेळी, गाझातील सुमारे 80 टक्के लोक बेघर झाले. हे युद्ध आता इजिप्त सीमेजवळील गाझामधील राफा शहरात पोहोचले आहे. युद्धाच्या सुरुवातीला, इस्रायलच्या कारवाईपासून वाचण्यासाठी लोकांनी उत्तर गाझा सोडून रफाहमध्ये आश्रय घेतला होता. अल जझीराच्या म्हणण्यानुसार, या भागात 10 लाखांहून अधिक लोक राहतात. आता इस्त्रायली सैन्य इथेही हल्ल्याची योजना आखत आहे. इस्रायलचा दावा आहे की त्यांनी आतापर्यंत हमासच्या 24 बटालियनचा खात्मा केला आहे. मात्र अजूनही 4 बटालियन रफाहमध्ये लपून बसल्या आहेत. त्यांना दूर करण्यासाठी, रफाहमध्ये ऑपरेशन करणे आवश्यक आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)