DA Hike : महागाई भत्ता 2 टक्के वाढला, 50000 मूळ वेतन असलेल्या केंद्रीय कर्मचाऱ्याचा पगार किती रुपयांनी वाढणार?

DA Hike : केंद्र सरकारनं केंद्रीय कर्मचाऱ्यांचा महागाई भत्ता आणि पेन्शनधारकांच्या डीआरमध्ये वाढ करण्याचा निर्णय घेतला आहे.

महागाई भत्ता

केंद्र सरकारनं केंद्रीय कर्मचाऱ्यांच्या महागाई भत्त्यात आणि पेन्शनर्सच्या डीएअरनेस रिलीफमध्ये वाढ करण्यात आली आहे. पंतप्रधान नरेंद्र मोदी यांच्या अध्यक्षतेखाली झालेल्या बैठकीत 2 टक्के वाढ करण्याचा निर्णय घेण्यात आला.

केंद्र सरकारच्या या निर्णयाचा फायदा 48.66 लाख केंद्रीय कर्मचाऱ्यांना आणि 66.55 लाख पेन्शनधारकांना होणार आहे.

केंद्र सरकारवर 2 टक्के डीए आणि डीआर वाढीमुळं 6614.04 कोटींचा वार्षिक बोजा पडणार आहे.

पंतप्रधान नरेंद्र मोदी यांच्या अध्यक्षतेखाली झालेल्या बैठकीत डीए 2 टक्के वाढ झाल्यानं महागाई भत्ता 55 टक्क्यांवर पोहोचला आहे. ऑक्टोबर महिन्यात महागाई भत्ता 50 वरुन 53 टक्के करण्यात आला होता.

महागाई भत्ता मूळ वेतनावर आधारित असतो. समजा एखाद्या केंद्र सरकारच्या कर्मचाऱ्याचं मूळ वेतन 50000 रुपये असल्यास 53 टक्क्यांनुसार त्यांना महागाई भत्ता यापूर्वी 26500 रुपये मिळत होता. आता त्यांचा महागाई भत्ता 27500 रुपये होईल.