सलमान खानच्या हाती भगवं घड्याळ, आतमध्ये राम मंदिर, मौलाना चिडले; पण खास घड्याळाची किंमत किती?

बॉलिवूडचा भाईजान सलमान खान सध्या सिकंदर सिनेमाच्या प्रमोशनमध्ये व्यस्त येत्या रमजान ईद दिवशी सलमानचा सिकंदर हा चित्रपट प्रदर्शित होत आहे.

salman khan watch in controversy

बॉलिवूडचा भाईजान सलमान खान सध्या सिकंदर सिनेमाच्या प्रमोशनमध्ये व्यस्त येत्या रमजान ईद दिवशी सलमानचा सिकंदर हा चित्रपट प्रदर्शित होत आहे.

सिंकदर चित्रपटात सलमानसोबत दाक्षिणात्य अभिनेत्री रश्मिका मंदाना झळकणार असून सध्या सोशल मीडियावर या सिनेमाचीच चर्चा पाहायला मिळत आहे.

सलमान खानही विविध सोशल मिडिया प्लॅटफॉर्मच्या माध्यमातून सिकंदर सिनेमाचं प्रमोशन करत असून दोन दिवसांपूर्वी त्याने ट्विटर अकाऊंटवरुन काही फोटो शेअर केले आहेत.

सलमानने शेअर केलेल्या फोटोमध्ये त्याच्या हाती भगव्या रंगाचं घड्याळ पाहायला मिळत आहे. तसेच, या घड्याळात राम मंदिराचेही चित्र दिसून येते. त्यामुळे, हे घड्याळ चर्चेचा विषय बनलं आहे.

सलमानने परिधान केलेलं घड्याळ हे लिमिटेड एडिशन आहे, या घड्याळात अयोध्येतील राम मंदिर आणि हनुमान गढीचे बजरंग बली देखील पाहायला मिळत आहेत. त्यावरुन, सलमान ट्रोल होत आहे.

ऑल इंडिया मुस्लिम जमात के राष्ट्रीय अध्यक्ष मौलाना शहाबद्दीन यांनीही सलमानच्या या घड्याळावर आक्षेप घेतला आहे. शहाबद्दीन रजवी यांनी इस्लाम आणि शरियाचा हवाला देत सलमानच्या या घड्याळातील प्रतिकांवर आक्षेप घेतला आहे.

दरम्यान, सलमान खान ने परिधान केलेल्या घड्याळाला Jacob & Co. कंपनीने बनवले असून ‘Epic X Ram Janmabhoomi Titanium Edition 2’ असे नाव देण्यात आलं आहे.

लिमिटेड एडिशन असलेलया या घड्याळाचे एकूण 49 पीस उपलब्ध असून वेबसाइट इथोच्या माहितीनुसार या घड्याळाची किंमत 34 लाख रुपए एवढी आहे.