Maharashtra News Live Updates : वंदे भारत एक्सप्रेस धावण्याआधी रेल्वेच्या ट्रॅकची तपासणी करताना रेल्वेच्या धडकेत पोलिसाचा मृत्यू

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Background

ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो.

मंदोस चक्रीवादळाचे संकट 

दक्षिण भारतावर मंदोस चक्रीवादळाचं (Cyclone Mandos)  संकट घोंगावत आहे. तामिळनाडू, पद्दुचेरी आणि आंध्र प्रदेश या राज्याला हवामान विभागानं रेड अलर्ट जारी केलाय. या तिन्ही राज्यात हवामान विभागानं रेड अलर्ट जारी केलाय. तिन्ही राज्यात मुसळधार पावसाचा अंदाज वर्तवण्यात आलाय. तुफान वाऱ्यासह समुद्र किनाऱ्यावर पाऊस कोसळत आहे. अस्मानी संकटामुळे प्रशासन सतर्क झालं असून एनडीआरएफसह इतर पथके तैणात करण्यात आली आहे. दक्षिण भारतामध्ये येणाऱ्या मंदोस चक्रीवादळाचा फटका शेजारी असणाऱ्या राज्यांना बसण्याची शक्यता आहे. कर्नाटक, केरळमधील हवामानात बदल झालाय. महाराष्ट्र, गुजरातमध्येही पावसाचा अंदाज वर्तवला आहे. 

जळगाव दूध संघासाठी आज मतदान 

जळगाव दूध संघातील (Jalgaon Milk) वीस जागांसाठी आज सकाळी आठ ते सायंकाळी पाचवाजेपर्यंत मतदान होत आहे. या निवडणुकीत एकनाथ खडसे, गिरीश महाजन, गुलाबराव पाटील यांची प्रतिष्ठा पणाला लागली आहे. गेल्या काही दिवसांपासून या दूध संघाच्या निवडणुकीसाठी आरोप-प्रत्यारोपांच्या फैरी झडत आहेत. 

मुंबईत आज महारोजगार मेळावा; साडेआठ हजार रोजगारांची उपलब्धता

कौशल्य, रोजगार, उद्योजकता व नाविन्यता विभागाअंतर्गत असलेल्या मुंबई शहर (Mumbai City News) जिल्हा कौशल्य विकास, रोजगार व उद्योजकता मार्गदर्शन केंद्र यांच्यामार्फत आज 10  डिसेंबर रोजी राणीचा बाग, ईएस पाटनवाला मार्ग, भायखळा (पूर्व), मुंबई येथे सकाळी 10 वाजेपासून 'पंडित दीनदयाळ उपाध्याय  रोजगार मेळावा' आयोजित करण्यात आला आहे. या मेळाव्यात विविध नामवंत कंपन्या, उद्योग, कॉर्पोरेट क्षेत्र, सेवा क्षेत्र यामधील 8 हजार 608 इतके रोजगार उपलब्ध करुन देण्यात येणार आहेत. मेळाव्यात या नोकऱ्यांसाठी कंपन्यांकडून थेट मुलाखती घेतल्या जाणार असून नोकरीइच्छूक उमेदवारांनी मेळाव्यात सहभाग घ्यावा, असे आवाहन कौशल्य, रोजगार, उद्योजकता व नाविन्यता मंत्री मंगलप्रभात लोढा (Mangalprabhat Lodha) यांनी केले आहे.   

फिफामध्ये धक्कादायक निकाल, पाच वेळच्या चॅम्पियन ब्राझीलला पराभवाची 'किक'

BRA vs CRO, FIFA WC Quarter Final: फिफा विश्वचषक स्पर्धेमध्ये धक्कादायक निकाल लागला आहे. विजेतेपदाचा दावेदार ब्राझीलला उपांत्य पूर्व फेरीच्या सामन्यात पराभवाचा सामना करावा लागला आहे. क्रोएशियाने पाच वेळच्या चॅम्पियन ब्राझीलला पेनल्टी शूटआउटमध्ये पराभूत केलेय. या विजयासह क्रोएशियानं उपांत्य फेरीत स्थान पटकावलेय.  (Croatia vs Brazil FIFA World Cup 2022 Quater Final)

 

 

23:34 PM (IST)  •  10 Dec 2022

वंदे भारत एक्सप्रेस धावणाऱ्या रेल्वेच्या ट्रॅकची तपासणी करताना रेल्वेच्या धडकेत पोलिसाचा मृत्यू 

गोंदिया : प्रधानमंत्री नरेंद्र मोदी यांच्या हस्ते हिरवी झेंडी दाखवरून 11 डिसेंबरपासून नागपूर - बिलासपूर दरम्यान 'वंदे भारत एक्सप्रेस' धावणार आहे. या हायस्पीड ट्रेनच्या ऑपरेशन पूर्वी गोंदिया जिल्ह्यातील अतिसंवेदनशील नक्षलग्रस्त भागातून जाणाऱ्या सालेकसा ते दरेकसा दरम्यान जाणाऱ्या रेल्वे रुळांची पाहणी आज सुरू असताना गोंदिया पोलीस विभागातील बॉम्ब शोध पथकातील पोलीस कर्मचारी विजय नंदकिशोर नशिने (वय 45) यांना याचवेळी रुळावर आलेल्या दरभंगा एक्सप्रेसची जोरदार धडक बसली. यात त्यांचा मृत्यू झाल्याची घटना घडली आहे. छत्तीसगडच्या दिशेने जात असताना हा अपघात झाला.

18:06 PM (IST)  •  10 Dec 2022

चंद्रकांत पाटील यांच्या अंगावर चिंचवडमध्ये शाई फेकण्याचा प्रयत्न

 महाराष्ट्र राज्याचे उच्च शिक्षण मंत्री चंद्रकांत पाटील यांच्या अंगावर शाईफेकीचा प्रयत्न करण्यात आला आहे.  महापुरुषांबद्दल केलेल्या बदनामीकारक वक्तव्यावरुन कार्यकर्ते आक्रमक झाले आहेत. आंदोलकांची धरपकड सुरु आहे. 

16:17 PM (IST)  •  10 Dec 2022

गुजरात मुख्यमंत्र्यांच्या शपथविधी सोहळ्याला महाराष्ट्राचे मुख्यमंत्री एकनाथ शिंदे उपस्थित राहणार

गुजरात मुख्यमंत्र्यांच्या शपथविधी सोहळ्याला महाराष्ट्राचे मुख्यमंत्री एकनाथ शिंदे यांना अधिकृत निमंत्रण.

मुख्यमंत्री एकनाथ शिंदे शपथविधीला उपस्थित राहणार

NDA चा मित्रपक्ष म्हणून बाळासाहेबांची शिवसेना पक्षाचे मुख्य नेते आणि मुख्यमंत्री एकनाथ शिंदे यांना भुपेन पटेल यांच्या शपथविधीसाठी निमंत्रण.

मातोश्री एैवजी आता ठाण्यातील मुख्यमंत्री एकनाथ शिंदे यांना शपथविधीसाठी निमंत्रण.

शिवसेना मित्र पक्ष असला तरी ती बाळासाबांची शिवसेना पळा बाबतच गुजरात सरकारकडून विशेष काळजी.

शिवसेना पक्ष प्रमुख उद्धव ठाकरे यांच्या एैवजी मुख्यमंत्री एकनाथ शिंदे यांनाच गुजरात राज्य सरकारकडून निमंत्रण.

14:10 PM (IST)  •  10 Dec 2022

Chandrakant Patil : माझं ब्रेन मॅपिंग करा, चंद्रकांत पाटीलांचं एकनाथ खडसेंना चॅलेंज

जळगाव जिल्ह्यातील दूध संघाच्या निवडणुकीवरून जळगाव जिल्ह्यातील राजकारण चांगलेच तापले असून निवडणुकीच्या एक दिवस अगोदर एकनाथ खडसे यांनी पत्रकार परिषद घेऊन 50 खोक्यांचा वापर निवडणुकीत केला असल्याचा आरोप केला होता. या आरोपावर मुक्ताईनगरचे शिंदे गटाचे आमदार चंद्रकांत पाटील यांनी एकनाथ खडसेंवर हल्लबोल करत हायकोर्टात माझे ब्रेन मॅपिंग,नार्को टेस्ट करा असे  एकनाथ खडसेंना चॅलेंज केले आहे. दूध संघाचा निकाल खडसेंच्या विरोधात लागल्यास ते खोक्यांवर बोलतील हे आताच मी भाकीत सांगतो. ब्रेन मॅपिंगनंतर खडसे महाराष्ट्रासमोर उघडे पडतील, असा निशाणाही खडसेंवर साधला आहे.

 

14:07 PM (IST)  •  10 Dec 2022

Buldana Village for Sale : गावकऱ्यानी गाव काढलं विकायला, अंबाशी गाव विकणे आहे

बुलढाणा जिल्ह्यातील आंबाशी येथील ग्रामस्थांनी गावाच्या वेशीवरच "अंबाशी गाव विकणे आहे" चा फलक लावून शासनाचे लक्ष वेधण्याचा प्रयत्न केलाय. मागील दीड वर्षापूर्वी झालेल्या ढगफुटीमुळे चिखली तालुक्यातील अंबाशी आणि आमखेड येथील दोन्ही धरण फुटल्याने शेकडो हेक्टर शेतीचे नुकसान झाले होते. तेव्हापासून नुकसानग्रस्त शेतकरी शासनाकडे धरण आणि शेती दुरुस्तीची मागणी करत आहेत, मात्र शासन अद्यापही याकडे दुर्लक्ष करत आहे. त्यामुळे गावकऱ्यांनी शासनाचं लक्ष वेधण्यासाठी आपलं गावच विकायचं असल्याचा फलक गावाच्या वेशीवर लावलाय.