VIDEO : फिर से ठोको ताली...! नवजोत सिंह सिद्धू यांची कपिल शर्मा शोमध्ये पुन्हा एन्ट्री, अर्चना सिंहचं काय होणार?
The Great Indian Kapil Show : कॉमेडीयन कपिल शर्माच्या शोमध्ये नवजोत सिंह सिद्धू यांची पुन्हा एन्ट्री होणार आहे, आता अर्चना पूरन सिंहचं काय होणार हा प्रश्न आता प्रेक्षकांना पडला आहे.
The Great Indian Kapil Show : 'द ग्रेट इंडियन कपिल शो' मध्ये पुन्हा एकदा नवजोत सिंह सिद्धूची एन्ट्री होणार आहे. कपिलच्या शोमध्ये नवजोत सिंह सिद्धू यांची पत्नी नवजोत कौर सिद्धू यादेखील हजेरी लावणार आहेत. कपिल शर्माच्या कॉमेडी शोचा नवीन प्रोमो समोर आला आहे. 'द ग्रेट इंडियन कपिल शो'च्या नवीन प्रोमोमध्ये समोरील खुर्चीवर अर्चना पूरन सिंहच्या ऐवजी नवजोत सिंह सिद्धू बसल्याचं दिसत आहे. शोचा नवीन प्रोमो समोर आला असून हा आता प्रचंड व्हायरल होत आहे. यामुळे हा शो पुन्हा एकदा चर्चेत आला आहे.
नवजोत सिंह सिद्धू यांची कपिल शर्मा शोमध्ये पुन्हा एन्ट्री
'द ग्रेट इंडियन कपिल शो'च्या नवीन प्रोमोमध्ये समोरील खुर्चीवर अर्चना पूरन सिंह हिच्याऐवजी नवजोत सिंह सिद्धू बसलेले दिसले. यावेळी कपिल शर्माला विश्वास बसत नाही आणि त्याला वाटतं की, सुनील ग्रोवर नवजोत सिद्धू यांच्या गेटअपमध्ये खुर्चीवर बसला आहे. यानंतर नवजोत सिंह सिद्धू बोलायला सुरुवात करतात आणि कपिल शर्माला मोठा धक्का बसतो. यावेळी अर्चना पूरन सिंह कपिल शर्माजवळ येते आणि बोलते की, सरदार साहेबांना उठायला सांग. माझ्या खुर्चीवर कब्जा करुन बसले आहेत.
अर्चना सिंहचं काय होणार?
कपिल शर्माच्या शोच्या नवीन प्रोमोमध्ये माजी क्रिकेटपटू हरभजन सिंह आणि त्याची पत्नीही दिसत आहे. यावेळी हरभजनच्या शायरीनेही प्रेक्षकांचं लक्ष वेधलं आहे. हरभजन सिंह यावेळी म्हणतो की, "दुनिया कुछ भी कहें, किसी के कहने से कोई बुद्धू नहीं बन जाता, कुर्सी पर कोई भी बैठ जाये, कोई सिद्धू नही बन जाता".
दरम्यान, शोच्या प्रोमोवरुन आगामी एपिसोडमध्ये नवजोत सिंह सिद्धू परतणार असल्याचं दिसत असून सर्व खूप मजा करताना दिसत आहेत.
'द ग्रेट इंडियन कपिल शो'चा नवीन प्रोमो
View this post on Instagram
महत्त्वाच्या इतर बातम्या :
बॉयफ्रेंडसोबत मिळून मित्राचे 300 तुकडे, हत्या करुन शॉपिंगला गेली प्रसिद्ध अभिनेत्री, ओळखलंत का?
महत्त्वाच्या बातम्या
ट्रेंडिंग न्यूज
