Bigg Boss 16 Live Updates : सलमानच्या ‘बिग बॉस 16’चा ग्रँड प्रीमिअर; जाणून घ्या बिग बॉस संबंधित सर्व अपडेट्स एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
LIVE
Background
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
'बिग बॉस मराठी'चा विजेता शिव ठाकरे आता गाजवणार भाईजानचा 'बिग बॉस'
'बिग बॉस' हा छोट्या पडद्यावरचा लोकप्रिय वादग्रस्त कार्यक्रम आहे. भाईजानचा बिग बॉस सुरू व्हायला अवघे काही तास शिल्लक आहेत. त्यामुळे या पर्वात कोणते स्पर्धक सहभागी होणार याची चाहत्यांना उत्सुकता लागली आहे. युट्यूबर अब्दु राजिकनंतर आता आणखी एक नाव समोर आलं आहे. 'बिग बॉस मराठी'च्या दुसऱ्या पर्वाचा विजेता अर्थात मराठमोळा शिव ठाकरे 'बिग बॉस 16' या प्रेक्षकांच्या लाडक्या कार्यक्रमात सहभागी होणार आहे.
बिग बींच्या वाढदिवशी चाहत्यांना मिळणार मनोरंजनाची पर्वणी
बॉलिवूडचे महानायक अमिताभ बच्चन 11 ऑक्टोबर 2022 रोजी त्यांचा 80 वा वाढदिवस साजरा करणार आहेत. 1969 पासून 2022 पर्यंत बिग बींनी अनेक ब्लॉकबस्टर सिनेमांत काम केलं आहे. त्यामुळे त्यांचा 80 वा वाढदिवस नक्कीच खास असणार आहे. त्यांच्या वाढदिवसानिमित्त खास चित्रपट महोत्सवाचं आयोजन करण्यात आलं आहे.
राष्ट्रीय पुरस्कार विजेता 'गोष्ट एका पैठणीची' सिनेमागृहात होणार प्रदर्शित
'68 वा राष्ट्रीय चित्रपट पुरस्कार' सोहळा नुकताच पार पडला असून यात 'गोष्ट एका पैठणीची' या मराठी सिनेमाने बाजी मारली आहे. 'सर्वोत्कृष्ट मराठी चित्रपटाचा पुरस्कार या सिनेमाला मिळाला आहे. आता हा सिनेमा प्रेक्षकांच्या भेटीसाठी सज्ज आहे.
आशा पारेख 'दादासाहेब फाळके पुरस्कारा'ने सन्मानित
'68 वा राष्ट्रीय चित्रपट पुरस्कार' सोहळ्यात अभिनेत्री आशा पारेख यांना 'दादासाहेब फाळके पुरस्कारा'ने सन्मानित करण्यात आले आहे. राष्ट्रपती द्रौपदी मुर्मू यांच्या हस्ते त्यांना पुरस्काराने सन्मानित करण्यात आले आहे. "सिनेसृष्टीतील योगदानाबद्दल मला हा पुरस्कार दिल्याबद्दल मी सगळ्यांची आभारी, अशा शब्दांत आशा पारेख यांनी आपल्या भावना व्यक्त केला.
रिचाच्या हातावर रंगली अलीच्या नावाची मेहंदी
बॉलिवूड अभिनेत्री रिचा चड्ढा आणि अली फजल गेल्या काही दिवसांपासून लग्नाच्या चर्चांमुळे चर्चेत आहेत. आता त्यांच्या लग्नासोहळ्याला सुरुवात झाली आहे. सध्या सोशल मीडियावर रिचा आणि अलीचे प्री-वेडिंग कार्यक्रमाचे फोटो व्हायरल होत आहेत.
Bigg Boss 16 : बॉलिवूड दिग्दर्शक साजिद खान गाजवणार 'बिग बॉस 16'
Bigg Boss 16 : बॉलिवूड दिग्दर्शक साजिद खान 'बिग बॉस 16' गाजवणार आहे.
Bigg Boss 16 : 'उतरन' फेम टिना दत्तानंतर श्रीजिता डेने घेतली 'बिग बॉस 16'मध्ये एन्ट्री
Bigg Boss 16 : 'उतरन' फेम टिना दत्तानंतर श्रीजिता डेने 'बिग बॉस 16'मध्ये एन्ट्री घेतली आहे. श्रीजीता डेने सलमानबद्दलच्या भावना बिग बॉसच्या मंचावर व्यक्त केल्या आहेत. टिना दत्ता आणि श्रीजिता डे दोघीही एकमेकांच्या खास मैत्रिणी आहेत.
Bigg Boss 16 : 'उतरन' फेम टिना दत्ता 'बिग बॉस 16' गाजवणार
Bigg Boss 16 : 'उतरन' फेम टिना दत्ता 'बिग बॉस 16' गाजवण्यास सज्ज झाली आहे. टीना सलमानसाठी खास बंगाली मिठाई घेऊन आली होती.
Bigg Boss 16 : राजस्थानची प्रसिद्ध डान्सर गोरी नागोरी 'बिग बॉस 16'मध्ये सहभागी; भाईजानला केलं घायाळ
Bigg Boss 16 : राजस्थानची प्रसिद्ध डान्सर गोरी नागोरी 'बिग बॉस 16'मध्ये सहभागी झाली आहे. तिने आपल्या नृत्याने भाईजानलादेखील घायाळ केलं आहे.
Bigg Boss 16 : रिक्षावाल्याची मुलगी ते 'मिस इंडिया रनर अप' मान्या सिंह 'बिग बॉस 16'मध्ये
Bigg Boss 16 : मान्या सिंह 'मिस इंडिया 2020'ची रनर अप ठरली होती. उत्तर प्रदेशातील मान्याचे वडील रिक्षा चालवतात. आता मान्या 'बिग बॉस 16' हे पर्व गाजवायला सज्ज झाली आहे.
महत्त्वाच्या बातम्या
ट्रेंडिंग न्यूज
