Nashik Nandgaon Fog : नांदगाववर दाट धुक्याची चादर, अवकाळीनंतर धुक्याने बळीराजा हवालदिल; पाहा Photos

Nandgaon Fog : जिल्ह्यातील नांदगाव परिसरावर दाट धुक्याची चादर पसरली आहे. यामुळे पिकांवर रोगांचा प्रार्दुभाव वाढण्याची शक्यता वर्तवली जात आहे. अवकाळीनंतर धुक्याने बळीराजा हवालदिल झाल्याचे चित्र आहे.

Nashik Winter Season Nandgaon Fog

गेल्या दोन दिवसांपासून नाशिकच्या नांदगाव परिसरात ढगाळ वातावरण आहे. आज सकाळी नांदगाव शहर व परिसरात दाट धुक्याची चादर पसरल्याचे दिसून आले.

सकाळी साडेआठ वाजेपर्यंत सूर्याचे दर्शन झाले नाही.

या धुक्यामुळे कांदा व इतर शेती पिकांवरही रोगांचा प्रार्दुभाव होण्याची शक्यता निर्माण झाल्याने बळीराजा हवालदिल झाला आहे.

धुके एवढे दाट होते की काही फुट अंतरापर्यंत काहीच दिसत नसल्याने वाहने दिवे लावून चालवावी लागत होते.

मॉर्निंग वाकसाठी आलेल्या नागरिकांना मात्र या वातावरणाचा सुखद अनुभव घेतला.

नाशिक शहरातही पहाटेच्या वेळी धुके पडत आहेत.

सोमवारी उत्तर महाराष्ट्रात सोमवारी विजांसह पावसाची शक्यता वर्तवण्यात आली आहे.

धुक्यांमुळे नांदगाव परिसरातील नागरिक थंडीचे अनुभूती घेताना दिसून येत आहे.