Sanjay Raut & Ujjwal Nikam : संजय राऊत-उज्ज्वल निकम अचानक आमनेसामने, हात मिळवला, खळखळून हसले अन्...; नेमकं काय घडलं?

Sanjay Raut & Ujjwal Nikam : शिवसेना ठाकरे गटाचे खासदार संजय राऊत आणि सरकारी वकील ज्येष्ठ विधिज्ञ उज्ज्वल निकम नाशिकमध्ये अचानक आमनेसामने आले.

Sanjay Raut & Ujjwal Nikam

शिवसेना ठाकरे गटाचे खासदार संजय राऊत हे आज सोमवारी (दि. 24) नाशिक दौऱ्यावर आले आहेत. तर ज्येष्ठ विधिज्ञ उज्ज्वल निकम हे न्यायालयाच्या कामासाठी आज नाशिकमध्ये आले आहेत.

संजय राऊत हे नाशिकच्या शासकीय विश्रामगृह येथे आले असता त्यांची अचानक उज्ज्वल निकम यांच्याशी भेट झाली.

शासकीय विश्रामगृहात उज्ज्वल निकम आणि संजय राऊत हे समोरासमोर आल्याने दोघांनी एकमेकांची विचारपूस केली.

यावेळी दोघांनी हात मिळवत एकमेकांशी काही वेळ चर्चा देखील केली.

संजय राऊत आणि उज्ज्वल निकम यांच्यात अचानक झालेल्या भेटीने राजकीय वर्तुळात चर्चांना उधाण आले आहे.

दरम्यान, खासदार संजय राऊत हे दोन दिवस नाशिक दौऱ्यावर आले असून ते नाशिकमध्ये पदाधिकाऱ्यांशी चर्चा करणार आहेत.

नाशिकला शिवसेनेचे दोन दिवसीय विभागीय शिबीर लवकरच होणार आहे. त्यानिमित्ताने पाहणी करण्यासाठी आलो असल्याची माहिती संजय राऊत यांनी दिली आहे.