Pune Crime: चक्क घरातून विकत होते गांजा; पोलिसांनी सापळा रचून केली अटक

Pune Crime: घरातून गांजा विकणाऱ्या टोळीला पोलिसांनी जेरबंद केलं आहे. सिंहगड रोड परिसरात ही करावाई करण्यात आली आहे.

Pune Crime

Pune Crime: गुन्हे शाखेच्या अंमली पदार्थ विरोधी पथकाने शहरातील भारती विद्यापीठ आणि सिंहगड रोड परिसरात मोठी कारवाई केली आहे. पोलिसांनी तीन गांजा तस्करांना अटक केली आहे. गुन्हे शाखेच्या अंमली पदार्थ विरोधी पथकाने शहरातील भारती विद्यापीठ आणि सिंहगड रोड परिसरात छापा टाकून तीन गांजा तस्करांना अटक केली आहे. त्यांच्याकडून 23 किलो गांजा, एक मोबाईल, रोख रक्कम आणि 4.5 लाख रुपये किंमतीचा इलेक्ट्रिक काटा जप्त करण्यात आला आहे. ते प्रामुख्याने कॉलेज कॅम्पसमध्ये गांजा विकत होते. पोलिसांच्या तपासात वसतिगृहात राहणारे काही विद्यार्थी त्यांचे ग्राहक असल्याचे निष्पन्न झाले आहे.

अमित प्रभाकर कुमावत (वय 32) सनी विजय भोसले (वय 24) साई गीता कोटाकोंडा (19 वय) अशी अटक करण्यात आलेल्यांची नावे आहेत. या तिघांविरुद्ध भारती विद्यापीठ आणि सिंहगड रोड पोलिस ठाण्यात अंमली पदार्थ विरोधी कायद्यान्वये दोन वेगवेगळे गुन्हे दाखल करण्यात आले आहेत. तिन्ही आरोपी मूळचे अहमदनगर जिल्ह्यातील आहेत. ते एकमेकांशी परिचित आहेत. शहरातील सिंहगड रोड परिसरातील कात्रज येथील नामांकित कॉलेजच्या आवारात ते गांजा विकत होता.

वरिष्ठ पोलीस निरीक्षक विनायक गायकवाड हे भारती विद्यापीठ पोलीस ठाण्याच्या आवारात गस्त घालत असताना पोलीस हवालदार विशाल शिंदे यांना अमित राहत्या घरातून गांजा विकत असल्याची माहिती मिळाली. 4 लाख 23 हजार रुपये किमतीचा 21 किलो गांजा सापडला आहे. दुसरी कारवाई सिंहगड रोडवरील जाधवनगर भागात करण्यात आली आहे. गस्ती पथकाने त्यांना पाहिले असता सनी आणि सई सिद्धेश्वर हॉटेलसमोरील रस्त्यावर संशयास्पदरित्या फिरताना दिसले. त्याच्याविरुद्ध सिंहगड रोड पोलिस ठाण्यात गुन्हा दाखल करण्यात आला आहे.

यापुर्वी मिरज तालुक्यातील वड्डी येथील एका फार्म हाऊसवरून 22.85 किलो गांजा जप्त करण्यात आला होता. पुणे सीमा शुल्क विभागाने ही धडक कारवाई केली होती. याप्रकरणी एकाला अटक देखील करण्यात आली असून या कारवाई बाबतची माहिती पुणे सीमा शुल्क विभागाने ट्विटरवरून प्रसिद्ध केली आहे.