Pune Accident : सिग्नल सुटला अन् भरधाव वेगात कंटेनरनं दुचाकीला चिरडलं; आई-वडिल्यांच्या डोळ्यादेखत जुळ्या मुलींचा करुण अंत
पुण्यात अपघाताचं प्रमाण वाढलं आहे. त्यातच पुण्यात झालेल्या अपघातात दोन जुळ्या बहिणींचा करुण अंत झाला आहे.
पुणे : पुण्यात अपघाताचं प्रमाण वाढलं आहे. त्यातच (Pune Accidnet) पुण्यात झालेल्या अपघातात दोन जुळ्या बहिणींचा करुण अंत झाला आहे. विश्रांतीवाडीतील मुकुंदराव आंबेडकर चौकात सिग्नल सुटल्यानंतर दुचाकीला टँकरची (Pune Accident) धडक बसून झालेल्या अपघातात दोन जुळ्या मुलींचा मृत्यू झाला आहे तर त्यांच्या आई-वडिल गंभीर जखमी झाले आहे.
पोलिसांनी दिलेल्या माहितीनुसार, सतीश कुमार झा (40) हे आपल्या 3 वर्षांच्या जुळ्या मुली आणि पत्नीसह दुचाकीवरून जात असताना विश्रांतीवाडी चौकात ट्रॅफिक सिग्नलजवळ थांबले होते. दिवा हिरवा होताच मागून येणाऱ्या पेट्रोल टँकरने मोटारसायकलला धडक दिली. श्रद्धा आणि साक्षी अशी मृत्यू झालेल्या दोघींची नावं आहेत.
या अपघाताचा थरार सीसीटीव्ही कॅमेऱ्यात कैद झाला आहे. अपघाताच्या व्हिडिओंमध्ये ट्रॅकर चालकालाची चूक असल्याचं स्पष्ट दिसत आहे. अपघात झाल्यानंतर आजूबाजूच्या लोकांनी धावपळ सुरु केली. चारही जणांना दवाखान्यात दाखल करण्यासाठी गडबड सुरु होती. मात्र तेव्हाच दोघींचा करुण अंत झाल्याचं सगळ्यांच्या लक्षात आलं त्यामुळे सगळ्यांनी हळहळ व्यक्त केली. या अपघातात आई गंभीर जखमी झाली असून तिच्यावर ससून रुग्णालयात उपचार सुरू आहेत तर वडिलांना किरकोळ दुखापत झाली आहे. पेट्रोल टँकर चालकाला अटक करण्यात आली आहे.
नवले पुलाजवळही ट्रक पेटला अन्...
काल रात्री (17 ऑक्टोबर) पुण्यातील नवले पुलाजवळ जीवघेणा अपघात झाला होता. कंटेनरची धडक झाल्याने ट्रकने पेट घेतला आणि त्याला आग लागली होती. या आगीत ट्रकच्या केबीनमध्ये बसून प्रवास करणारे चारजण होरपळून मृत्यूमुखी पडलेत. तर इतर जखमी झालेत. ही आग विझवण्यात अग्नीशमन दलाला यश आलं होतं. हा अपघात नऱ्हे येथील स्वामी नारायण मंदिराजवळ काल (16 ऑक्टोबर) रात्री नऊ वाजण्याच्या सुमारास घडला. मक्याचा भुसा घेऊन साताऱ्याच्या दिशेकडून मुंबईच्या दिशेने निघालेला ट्रक नऱ्हे येथील स्वामी नारायण मंदिराजवळ आला असता, ट्रकचालकाचे वाहनावरील नियंत्रण सुटल्याने समोर असणाऱ्या कंटेनरला पाठीमागून जोरदार धडक दिली. यात कंटेनर रस्त्यावरच उलटला. मात्र धडक मोठी बसल्याने ट्रकला क्षणातच आग लागली. यात ट्रकच्या केबिन मध्ये बसलेले चार जणांचा होरपळून जागीच मृत्यू झाला तर दोघे जण गंभीर जखमी झाले आहेत. अग्निशमन दलाच्या जवानांनी आगीवर नियंत्रण मिळवून मृतदेह बाहेर काढले. मात्र तोपर्यंत वाहतूक विस्कळीत झाली होती.
इतर महत्वाची बातमी-
महत्त्वाच्या बातम्या
ट्रेंडिंग न्यूज
