![metaverse](https://cdn.abplive.com/imagebank/metaverse-top.png)
Pune News: कोकणवासियांना खुशखबर.. होळीनिमित्त पुण्यातून कोकणात सोडणार 62 जादा बसेस
Pune News : स्वारगेट (Swargate) आणि पिंपरी चिंचवड (Pimpri Chinchwad) स्थानकातून जादा बसेस सोडणार असल्याची माहिती एसटी प्रशासनाने दिली आहे.
![Pune News: कोकणवासियांना खुशखबर.. होळीनिमित्त पुण्यातून कोकणात सोडणार 62 जादा बसेस Pune News 62 extra buses will be released from Pune to Konkan on the occasion of Holi Pune News: कोकणवासियांना खुशखबर.. होळीनिमित्त पुण्यातून कोकणात सोडणार 62 जादा बसेस](https://feeds.abplive.com/onecms/images/uploaded-images/2023/02/13/04d422dc20a15eb1bc009364e47f39e3167626085290389_original.jpg?impolicy=abp_cdn&imwidth=1200&height=675)
Pune News : होळी सणासाठी (Holi 2023) कोकणात गावाकडे जाणाऱ्यांची होणारी गर्दी लक्षात घेता कोकणात जाणाऱ्या चाकरमान्यांची गैरसोय होऊ नये यासाठी एसटी महामंडळाने नियमित बसेस व्यतिरिक्त पुण्यातून (Pune News) 62 जादा गाड्या सोडण्याचा (ST Buses) निर्णय घेतला आहे. 3 ते 6 मार्च दरम्यान या गाड्या कोकणातील मार्गावरून धावणार आहेत.
गणेशोत्सवाबरोबरच होळीचा सणही कोकणात मोठ्या उत्साहात साजरा केला जातो. या सणासाठी पुण्यातून चाकरमानी कोकणातील आपापल्या गावी जात असतात. त्यामुळे या सणाच्या काळात प्रवाशांची संख्या मोठ्या प्रमाणात वाढते. अशा प्रवाशांची गैरसोय होऊ नये यासाठी एसटी सज्ज झाली असून महामंडळाने पुण्यातून यंदा जादा गाड्या सोडण्याचा निर्णय घेतला आहे. स्वारगेट (Swarget) आणि पिंपरी चिंचवड (Pimpri Chinchwad) स्थानकातून जादा बसेस सोडणार असल्याची माहिती एसटी प्रशासनाने दिली आहे. चिपळूण, दापोली, खेड, गुहागर, महाड या बस स्थानकात पुण्यातून जादा बस सोडण्यात येणार आहे.
मुंबईतून देखील सोडण्यात येणार जादा बसेस
मुंबई सेंट्रल, परळ, कुर्ला, बोरीवली, ठाणे, वसई, नालासोपारा तसेच पनवेल येथील बसस्थानकांतून खेड, चिपळूण, रत्नागिरी, कणकवली, सावंतवाडी, मालवण आदी ठिकाणांसाठी या जादा बसेस सोडण्यात येणार आहेत. कोकणवासियांची गैरसोय होऊ नये यासाठी एसटी महामंडळाने महत्त्वाचा निर्णय घेतला आहे. नियमित बसेस व्यतिरिक्त 250 जादा गाड्या सोडण्याचा निर्णय एसटी महामंडळाने घेतला आहे. या अतिरिक्त बसेस 3 ते 12 मार्च 2023 दरम्यान कोकणातील मार्गावरुन धावणार आहेत, अशी माहिती एसटी महामंडळाचे उपाध्यक्ष व व्यवस्थापकीय संचालक शेखर चन्ने यांनी दिली. सुरक्षित प्रवासासाठी प्रवाशांनी एसटीच्या बसेसमधून प्रवास करावा, असे आवाहनही महामंडळातर्फे करण्यात आले आहे.
कुठे कराल आरक्षण?
आगाऊ आरक्षणासाठी एसटी महामंडळाच्या https://msrtc.maharashtra.gov.in या अधिकृत संकेतस्थळाबरोबरच Msrtc Mobile Reservation App तिकीट आरक्षित करता येईल. त्याशिवाय, एसटी आगारातून ही या विशेष बसेससाठी तिकीट आरक्षण करता येईल. सुरक्षित प्रवासासाठी एसटी बसेसमधून प्रवास करण्याचे आवाहन एसटी महामंडळाने केले आहे.
मुंबई-पुणे मार्गावर धावणार 100 शिवाई बस
मुंबई-पुणे (Mumbai-Pune) मार्गावर पुढील दोन महिन्यांत राज्य परिवहन महामंडळाच्या 100 शिवाई बसेस धावणार आहेत. मुंबई-पुणे मार्गावर सध्या धावत असलेल्या शिवनेरी बस (Shivneri Bus) हळूहळू थांबवण्यात येतील. ‘शिवाई’ बसेस (Shivai Bus) या पर्यावरणपूरक इलेक्ट्रिक बसेस असून, त्यांना एशियाड बसचा लूक देण्यात आला आहे.
इतर महत्त्वाच्या बातम्या :
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)