Maharashtra Corona Update : राज्यात आज 20 नवीन कोरोना रूग्णांची नोंद; चीनमधील रूग्णवाढीमुळे आरोग्य यंत्रणा सतर्क

Maharashtra Corona Update : आरोग्यमंत्रालयाने दिलेल्या माहितीनुसार राज्यात आज दोन कोरोनाबाधित रुग्णांच्या मृत्यूची नोंद करण्यात आलेली आहे.

Maharashtra Corona Update

Maharashtra Corona Update : कोरोना (Covid-19) संसर्गातून थोडाफार दिलासा मिळत असताना पुन्हा चिंता वाढवणारी माहिती समोर आली आहे. चीनमध्ये कोरोनाचे रुग्ण (China Corona Cases) झपाट्याने वाढू लागले आहेत. गेल्या काही महिन्यांपासून महाराष्ट्रात आणि देशात देखील कोरोनाच्या रूग्णांमध्ये मोठी घट झाली आहे. मात्र, आता यामध्ये पुन्हा वाढ होण्याची शक्यता आहे. राज्यात आज 20 नव्या कोरोना रूग्णांची नोंद झाली आहे. तर आज 19 रुग्ण बरे होऊन घरी परतले आहेत. राज्यात आजपर्यंत 79,87,870 करोना बाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (Recovery Rate) 98.17 % झाला आहे. 

आरोग्यमंत्रालयाने दिलेल्या माहितीनुसार राज्यात आज दोन कोरोनाबाधित रुग्णांच्या मृत्यूची नोंद करण्यात आलेली आहे. सध्या राज्यातील मृत्यूदर (Death Rate) 1.82 टक्के एवढा आहे.

मुंबईतील कोरोना परिस्थिती (Mumbai Corona Cases Update) :

मुंबईत आज तीन नव्या रूग्णांची नोंद झाली असून सध्या 35 सकिय रूग्ण आहे. मुंबई महापालिकेची आरोग्य यंत्रणा देखील सतर्क झाली आहे. दरम्यान, जगभरात कोव्हिड-19 रुग्णांच्या संख्येत होणारी वाढ लक्षात घेऊन केंद्रीय आरोग्यमंत्री डॉ. मनसुख मांडविया यांनी कोव्हिड-19 स्थितीचा आणि स्थितीवर देखरेख, प्रतिबंध आणि व्यवस्थापनासाठी सार्वजनिक आरोग्य प्रणालीच्या सज्जतेचा आढावा घेतला आहे. 

आरोग्यमंत्री तानाजी सावंत म्हणाले...

महाराष्ट्रात कमी रूग्णसंख्या असणे ही राज्यासाठी दिलासा देण्यासारखी बाब असतानाच चीनमधील कोरोना रूग्णांच्या वाढीने राज्यासह देशातील आरोग्य यंत्रणा सतर्क झाल्या आहेत. परंतु, राज्यात 95 टक्के लसीकरण झाल्यामुळे घाबरण्याची गरज नाही, असे आरोग्यमंत्री तानाजी सावंत (Health Minister Tanaji Sawant) यांनी म्हटले आहे. 

तसेच, कोरोना आढावा बैठकीत केंद्राने काही निर्देश दिले आहेत. त्याप्रमाणे bf 7 हे नवीन व्हेरियंट आहे. मात्र, तो धोकादायक नाही. महाराष्ट्रातील जनतेने घाबरण्याचे कारण नाही. काळजी घेणे आवश्यक आहे. Omicron चा एक रुग्ण 4 लोकांना बाधित करत होता, bf 7 चा रुग्ण 10 जणांना बाधित करतो. तसेच, मास्कची सक्ती नाही. मात्र, वरिष्ठ नागरिकानी मास्क घालावे. असे मंत्री तानाजी सावंत यांनी सांगितले.  

महत्वाच्या बातम्या :