गोंदियात रेल्वे इंजिन अनियंत्रित झाल्याने थेट भिंतीवर आदळलं; सुदैवाने जिवीतहानी टळली

रेल्वे इंजिन गोंदिया येथील 'टॉवर वॅगन शेडमध्ये' जात असताना भिंतीला धडकल्याने भींत कोसळून इंजिन बाहेर आल्याची दुर्घटना घडली आहे.

Railway ingine accident in gondia

रेल्वे इंजिन गोंदिया येथील 'टॉवर वॅगन शेडमध्ये' जात असताना भिंतीला धडकल्याने भींत कोसळून इंजिन बाहेर आल्याची दुर्घटना घडली आहे.

अनियंत्रित इंजिनची भिंतीला धडक बसल्याने शेडची भिंत कोसळली, सुदैवाने या अपघातात कुठलीही जीवितहानी नाही. मात्र, या घटनेचे फोटो व व्हिडिओ शेअर होत आहेत.

गोंदिया रेल्वे स्थानकाजवळ असलेल्या टॉवर वॅगन शेडमध्ये रेल्वे इंजिन जात असताना तो अनियंत्रित झाल्याने समोरच्या भिंतीला धडकला.

भिंत कोसळली मात्र सुदैवाने यात कुठलीही जीवितहानी झालेली नाही, गोंदिया रेल्वेच्या इंजिन मेंटेनन्स टॉवर शेडमध्ये इंजिन जात असताना हा अपघात झाला

लोको पायलटने रेल्वे इंजिन 'टॉवर वॅगन शेडमध्ये'प्रवेश केला होता. त्यावेळी इंजिन थोडे पुढे गेल्याने भिंतीला धडकले. सुदैवाने या अपघातात कोणताही अनुचित प्रकार घडला नाही

घटनेनंतर रेल्वे प्रशासनाच्या अधिकाऱ्यांनी घटनास्थळी धाव घेत पाहणी करुन पुढील कार्यवाही सुरू केली आहे. मात्र, रेल्वे विभागात या अपघाताची जोरदार चर्चा रंगली.

दरम्यान, रेल्वे प्रशासनाने इंजिन पाठीमागे घेत भींत बांधणीचे काम हाती घेतले जाईल, अशी माहिती दिली. तसेच, सुदैवाने मोठी दुर्घटना टळल्याने जीव भांड्यात पडला