Bigg Boss 16 :प्रियांका आणि शिव यांच्यात रुम ऑफ 4 वरून वॉर; दोघांचंही एकमेकांना ओपन चॅलेंज
Bigg Boss 16 : बिग बॉसच्या रुम नं. 2 आणि 6 बंद करण्याच्या निर्णयानंतर, शिव आणि प्रियांका यांच्यात जोरदार भांडण झालं आहे.
Bigg Boss 16 : हिंदी रिअॅलिटी शो 'बिग बॉस सीझन 16' (Bigg Boss 16) चा फिनाले जवळ आला आहे. अशातच आता या शोमध्ये येणारे ट्विस्ट वाढत चालले आहेत. त्याबरोबरच स्पर्धकांचे इक्वेशन्सही दिवसेंदिवस बदलताना दिसतायत. त्याबरोबरच स्पर्धकांची भांडणं नेहमी चर्चेचा विषय ठरतात. कालच्याच एपिसोडमध्ये शीव आणि प्रियांका या दोन स्पर्धकांचं भांडण चर्चेचा विषय ठरला.
बिग बॉसच्या घरातील शिव ठाकरे आणि प्रियांका हे एकमेकांचे कट्टर वैरी आहेत, असं म्हटलं तरी वावगं ठरणार नाही. कारण शोच्या सुरुवातीपासूनच दोघांमधील वाद काही मिटण्याचं नाव घेत नाहीत. मध्यंतरीच्या काळात हा वाद मिटून दोघं एकत्र खेळताना दिसतील, असं वाटतं होतं. पण पुन्हा त्यांच्या वादाची ठिणगी पडलीच. त्यासाठी कारण ठरला बिग बॉसचा रुम नं. 2 आणि 6 बंद करण्याचा निर्णय.
26 जानेवारीच्या एपिसोडमध्ये, रूम ऑफ 4 वरून शिव आणि प्रियांका यांच्यात पुन्हा एकदा जोरदार वाद झाला. हा वाद एवढा विकोपाला गेला की, दोघांनीही एकमेंकांचे इगो काढून थेच सर्वांसमोर तुझं खरं रूप आणण्याचं ओपन चॅलेंजच एकमेकांना दिलं.
बिग बॉसच्या घरात प्रियांका आणि शिवमध्ये वाद
खरंतर बिग बॉसने रूम नं. 2 आणि 6 कायमची बंद करण्याचा निर्णय घेतला. त्यानंतर कोण-कोणासोबत राहणार याचा निर्णय बिग बॉसनी स्पर्धकांवर सोडला. त्यानंतर प्रियांकाने सांगितले की, तिला फक्त रूम नंबर 4 मध्येच राहायचंय. ती तिची रूम अजिबात सोडणार नाही. त्याचवेळी अर्चना म्हणाली, मला रूम नं. 3 मध्येच रहायचंय. यावर बोलताना शिवनं आपली बाजू मांडली आणि त्यानं "तुम्ही तीन मुली रूम नं. 3 मध्ये राहू शकता. मला थंडीचा त्रास आहे, म्हणून मला रूम नं. 4 हवी आहे." पण प्रियांका कोणाचंच ऐकायला तयार नव्हती. प्रियांकानं मी माझी रुम सोडणार नाही, असं ठामपणे सांगितलं आणि झालं... शिव आणि प्रियांकामध्ये भांडण सुरू झालं.
शिवला संताप अनावर झाला. कोणामध्ये हिंमत असेल तर या खोलीत झोपून दाखवाच, असं सांगत शिवनं रूम नं. 4 मध्ये मीच झोपणार, असं जवळपास जाहिरच करुन टाकलं आणि रुम नंबर 4 मधील बेडवरती जाऊन झोपला. त्यानंतर प्रियांका आणि टीना रूम नं. 4 मध्ये येऊन आपापला बेड अडवून बसल्या आणि वाद आणखी चिघळला. शिवनं दिलेल्या धमकीवरुन प्रियांका आणि टीना चिडल्या आणि तुझ्या घरचे धमकी ऐकत असतील आम्ही अजिबात ऐकून घेणार नाही, असं शिवला ठणकावून सांगितलं.
तुझा इगो आतापर्यंत कोणी काढला नसेल तो मी काढतो, शिव ठाकरेचं प्रियांकाला थेट चॅलेंज
प्रियांका म्हणते की, आम्ही जेवत होतो, तेव्हा शिव उठला आणि निघून गेला, मग आम्ही याचा विचार का करावा?' यावर शिव म्हणतो की, ही एक नंबरची निगेटिव्ह मुलगी आहे. यानंतर शिव स्पष्टीकरण देताना म्हणतो, आम्ही जेवणाच्या टेबलवरून यासाठी उठलो कारण इतके दिवस जेवताना ती एकदाही आली नाही. मग आता जेव्हा आम्ही उठून गेलो, तेव्हा तिलाही वाटायला हवं की, किती त्रास होतो.
Room allocation ko lekar gharwaalon ke beech hui tu-tu main-main. Whose side are you on? 🙋🏻♂️🙋🏻#BB16 #BiggBoss16 #BiggBoss @BeingSalmanKhan pic.twitter.com/UDD8auWdNQ
— ColorsTV (@ColorsTV) January 26, 2023
प्रियांका शिवला म्हणते की, तो माझ्याबद्दल वाईट बोलतोय. यानंतर शिव म्हणतो की, मी काहीही वाईट बोललो नाही. प्रियांका तुझं वास्तव आता समोर येईल. तेवढ्यात प्रियांका शिववर ओरडते की, आता रात्रभर बस तशीच. प्रियंका शिवला सांगते की मी इथेच आहे, टेन्शन घेऊ नकोस. शिव पण म्हणतो की, तू पण टेन्शन घेऊ नकोस, मी पण इथेच आहे. विथ रिस्पेक्ट तुझा इगो इथेच मोडेल. तर दुसरीकडे प्रियांकाचे म्हणणे आहे की, गेल्या 10 दिवसांपासून गर्ल कार्ड वापरून खेळतोय. यावर शिव तिला प्रतिउत्तर देतो आणि म्हणतो, 'तुझा इगो आतापर्यंत कोणी काढला नसेल तो मी काढतो.'
प्रियांका आणि टीनाने रूम नं. 4 सोडला
या सर्व वादानंतर अर्चना प्रियांकाला तयार करते, तेव्हा टीना आणि प्रियांका रूम नं. 4 सोडतात आणि रूम नं. 3 मध्ये जाण्यास तयार होतात. पण, टीना म्हणते की, ती मेक-अप करण्यासाठी रूम नं. 4 मध्ये येणार. यावर शिवही सहमत होतो.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
