Jalna News: जालन्यातील लाठीचार्जच्या निषेधार्थ लातूरात भगवी रॅली, मोटरसायकलवरून बंदचे आवाहन

Jalna News: जालना येथील घटनेचे काल रात्रीपासून लातूर जिल्ह्यात सातत्याने पडसाद उमटत आहेत.

Latur News

लातूर झहीराबाद रस्त्यावर काल टायर जाळून रस्ता रोको आंदोलन करण्यात आलं होतं.

त्यानंतर रात्रीतूनच लातूर बंदची हाक देण्यात आली होती.

आज सकाळपासून लातूर शहरात बंदची वातावरण निर्मिती करण्यात आली.

मराठी समाजातील अनेक तरुणांनी मोटरसायकलवर एकत्र येत शहरातील विविध भागांमध्ये रॅली काढली.

व्यापाऱ्यांना बंदमध्ये सहभागी होण्याबाबत आव्हान करण्यात आलं.

लातूर शहरातील सर्व शैक्षणिक केंद्र, व्यापारी प्रतिष्ठान हे बंद आहेत..

लातूर बस आगारात सध्या बस सेवा बंद आहे

लातूर शहरातील पाच नंबर चौक, छत्रपती शिवाजी महाराज चौक ,राजीव गांधी चौक, महात्मा बसवेश्वर चौक, गंजगोलाईतील व्यापारी पेठ आणि सर्व प्रकारचे सर्व शैक्षणिक संस्था यावेळी शंभर टक्के बंद होत्या.

कोणताही अनुचित प्रकार घडू नये यासाठी ठिकठिकाणी मोठ्या प्रमाणात पोलीस बंदोबस्त लावण्यात आला आहे