Crime News: लग्नात नाचणाऱ्या महिलांचेही व्हिडीओ विकले, प्रीमिअम क्लिपची किंमत 2000 रुपये; लातूरमधील प्रज्वल तेलीबाबत धक्कादायक माहिती समोर

Mahakumbh Women Video: सांगलीतील प्राज पाटीलसह लातूरमधील प्रज्वल तेली आणि प्रयागराज येथील चंद्रप्रकाश फुलचंद या तीन जणांना अटक करण्यात आली आहे.

Mahakumbh Video Viral

प्रयागराजमधील महाकुंभमेळ्यात महिलांचे स्नान करतानाचे व्हिडीओ बनवून ते डार्क वेबवर विकल्याचं समोर आलं होतं. याप्रकरणी आता नवीन धक्कादायक माहिती समोर आली आहे.

महिला रुग्णालयातील महिलांचे व्हिडिओ सीसीटीव्हीच्या माध्यमातून लीक करुन समाज माध्यमावर व्हायरल केल्याप्रकरणी अहमदाबाद पोलिसांनी तिघांना अटक केली आहे.

सदर तीन आरोपींपैकी दोघं महाराष्ट्रातील लातूर आणि सांगलीमधील आहे.

सांगलीतील प्राज पाटीलसह लातूरमधील प्रज्वल तेली आणि प्रयागराज येथील चंद्रप्रकाश फुलचंद या तीन जणांना अटक करण्यात आली आहे.

लातूरमधील प्रज्वल तेली परदेशातील हॅकर्सच्या संपर्कात होता. जवळपास त्याने 2000 पेक्षा जास्त व्हिडीओ रेकॉर्ड केले होते.

रुग्णालयातील प्रसुती कक्षेतील सीसीटीव्ही देखील हॅकिंग करुन व्हिडीओ विकल्याची माहिती समोर आली. तसेच लग्नात नाचणाऱ्या महिलांचे व्हिडीओ देखील डार्कवेबवर विकण्यात आले.

सदर आरोपींनी प्रीमियम व्हिडीओचे त्याने ग्रुप तयार केले.

एका व्हिडीओची किंमतही 500 रुपये इतकी ठेवली होती. तसेच प्रीमियम व्हिडीओ 2000 रुपयांना विकले.

प्रज्वल तेली हा मूळचा सांगली जिल्ह्यातील जत येथील आहे. प्रज्ज्वल हा नीट परिक्षेच्या तयारीसाठी लातुरात आला होता. या परिक्षेची तयारी करीत असताना मित्राच्या संगतीने बेकायदेशीर व्हिडीओ चोरत होता.

80 हून अधिक व्हिडीओ हे युट्यूबरवर अपलोड केले होते. त्याबदल्यात प्रज्वल तेली चांगले पैसेही कमावत असल्याचे पोलिसांनी सांगितले.