Washim Rain : वाशिम जिल्ह्यात पावसाचा हाहाकार, नदी नाल्यांना पूर, शाळकरी मुलांसह अनेक प्रवासी एसटी बसमध्ये अडकले

वाशिम जिल्ह्यात मुसळधार पावसानं (Washim Heavy Rain) धुमाकूळ घातलाय.  संध्याकाळपासून सुरू झालेल्या पावसानं अनेक नदी नाल्यांना पूर आला आहे. त्यामुळं अनेक ठिकाणी जनजीवन विस्कळीत झालं आहे.

Washim Rain News

Source : Washim Rain News

Washim Rain : वाशिम जिल्ह्यात मुसळधार पावसानं (Washim Heavy Rain) धुमाकूळ घातलाय.  संध्याकाळपासून सुरू झालेल्या पावसानं अनेक नदी नाल्यांना पूर आला आहे. त्यामुळं अनेक ठिकाणी जनजीवन विस्कळीत झालं आहे. वाशिमच्या मंगरुळपीर तालुक्यातील शेलूबाजार ते नांदखेडा, शेंदुरजना मोरे मार्गावरील खारी नाल्याला पूर आला आहे. त्यामुळं संध्याकाळी  साडेपाच वाजल्यापासून शाळकरी मुलांसह काही प्रवासी एसटी बसमध्ये अडकून पडले आहेत.

बसमधील विद्यार्थ्यांना बिस्कीट, पाण्याचे वितरण 

नाल्याला पाणी असल्यामुळं लक्ष्मीचंद हायस्कूलच्या शिक्षकांनी खारी नाल्यानजीक बस उभी केली आहे. तसेच बसमधील विद्यार्थ्यांना बिस्कीट, पाण्याचे वितरण केले जात आहे. 

पुढील दोन ते तीन दिवस सर्वत्र जोरदार पावसाचा इशारा

राज्यात पुढील दोन ते तीन दिवस सर्वत्र जोरदार पावसाचा (Heavy Rain) इशारा हवामान विभागानं (IMD) दिला आहे. हवामान विभागानं दिलेल्या माहितीनुसार, उद्या कोकणात सर्वत्र मुसळधार ते अतिमुसळधार पावसाची शक्यता वर्तवण्यात आली आहे. मुंबईसाठी उद्या ऑरेंज अलर्ट (Orange Alert) जारी करण्यात आलाआहे. त्यासोबतच ठाणे, पालघर, रायगड आणि रत्नागिरीसाठी देखील ऑरेंज अलर्ट जारी करण्यात आला आहे. हवामान विभागानं दिलेल्या माहितीनुसार राज्यातील विविध भागात जोरदार पावसाचा इशारा देण्यात आला आहे. पुण्यातील घाट परिसरासाठी देखील ऑरेंज अलर्ट जारी करण्यात आला आहे. कोल्हापूर आणि साताऱ्यातील घाट परिसरात देखील जोरदार पावसाचा इशारा देण्यात आला आहे. तसेच घाट परिसर सोडता शहरी भागातही हलका ते मध्यम स्वरुपाच्या पावसाची शक्यता वर्तवण्यात आली आहे. 

26 ऑगस्टनंतर उन्हाचा पारा वाढणार

उत्तर महाराष्ट्रात विजांच्या कडकडाटासह पावसाचा अंदाज वर्तवण्यात आला आहे. वादळी वाऱ्यासह काही ठिकाणी मुसळधार पावसाची शक्यता आहे. त्याठिकाणी पावसाचा यलो अलर्ट जारी करण्यात आला आहे. मराठवाड्यातही उद्या अनेक भागात विजांच्या कडकडाटासह पावसाचा अंदाज आहे. दरम्यान, राज्यात पुढील दोन दिवस पावसाचा जोर कायम राहणार आहे. या पावसाच्या पार्श्वभूमीवर नागरिकांनी योग्य ती काळजी घ्यावी असं आवाहन प्रशासनानं केलं आहे. दरम्यान, सध्या राज्यातील बहुतांश भागात चांगला पाऊस झाला आहे. नदी नाले धरणांच्या पाणीसाठ्यात मोठ्या प्रमाणात वाढ झाली आहे. सोमवार दिनांक 26 ते शुक्रवार 30 ऑगस्ट दरम्यानच्या पाच दिवसादरम्यान कमाल तापमान वाढीबरोबर महाराष्ट्रात पुन्हा उन्हाचा पारा चढण्याची शक्यता जाणवते.

महत्वाच्या बातम्या: